web counter
LEXO PA REKLAMA!

SHKARKO APP

App Store
Google Play

Korrupsioni në nivele të larta/ Ja si e “lufton” kryeprokurori Olsian Çela

28 Shkurt 2022, 10:09, Aktualitet CNA

Prokurori i Përgjithshëm Olsian Çela në tryezën e rrumbullakët ?Sistemi elektronik i deklarimit të pasurisë dhe konfliktit të Interesave?,  ka prekur edhe korrupsionin në nivelin e lartë, por thjesht duke iu referuar si shqetësim të qytetarëve dhe asgjë më shumë.

Sipas tij standartizimi i hedhjes së të dhënave dhe mundësia e përpunimit të tyre në mënyrë optimale përveç dobive që sjell në aspektin administrativ, ndikon edhe në drejtim të hetimit të shpejtë dhe të plotë rasteve që lidhen me kallëzimet e ILDKPI apo hetimet e korrupsionit dhe pastrimit të parave

?Për t?ju përgjigjur shqetësimit të opinionit publik shqiptar për nivelin e lartë të korrupsionit, vjedhjeve dhe shpërdorimeve të fondeve publike, prioriteteve të institucioneve shqiptare dhe kërkesave të vazhdueshme të organizmave të ndryshëm ndërkombëtarë për forcimin e luftës kundër veprave penale të kryera nga zyrtarët e lartë të administratës shtetërore, personat e zgjedhur dhe nëpunësit publikë në Shqipëri, mes Prokurorisë së Përgjithshme dhe ILDKPI është nënshkruar edhe një memorandum bashkëpunimi në tetor të vitit 2020, zbatimi i të cilit besoj do të bëhet edhe më efektiv me këtë masë të ndërmarrë?, është shprehur ai.

Më tej ai ka folur me superlative për bashkëpunimin me ILDKPKI-në, ndërkohë që marrëdhënia mes institucioneve rregullohet me Ligj dhe si e tillë janë të detyruar të bashkëpunojnë.

?Duke vlerësuar pozitivisht bashkëpunimin e deritanishëm, e konsideroj të domosdoshëm vijimin e tij në drejtim të shkëmbimit të informacioneve për subjektet e deklarimit periodik të interesave private në ILDKPKI, me qëllim evidentimin e saktë të shkeljeve që përbëjnë vepër penale në fushën e deklarimit të pasurisë, konfliktit të interesave dhe veprave penale të tjera që konkurrojnë me to ose lidhen me detyrën e subjekteve që kanë detyrim ligjor të bëjnë deklarim periodik?, është shprehur më tej ai./CNA.al





Lajmet e fundit nga