Afera e inceneratorëve/ Veliaj paditet në SPAK

28 Shkurt 2022, 12:50, Aktualitet CNA

Deputetja e PD, Jorida Tabaku ka dalë sot në një deklaratë për mediat, ku ka bërë të ditur se i është drejtuar SPAK me një padi, me fakte shtesë kundër kreut të Bashkisë së Tiranës, Erion Veliaj.

“Komisioni i Inceneratorëve ka vërtetuar atë që PD ka thënë që në krye të herës gjatë kësaj kohe, qeveria ?Rama? i vodhi shqiptarëve 430 milione euro.

Unë jam këtu për t?ju informuar që sot menjëherë pas kësaj konference PD do të dorëzojë fakte shtesë në organin e akuzës, në SPAK për sa i përket Erioni Veliajt.

Do të fillojmë sot me Erion Veliaj i cili ishte personi qe gjatë dëshmisë së tij në komisionit hetimor u kap në dëshmi të rreme.

Cilat janë faktet e reja?!

Z.Erion Veliaj ka qenë i informuar në projektin e inceneratorit të Tiranës që në Datë 28.06.2016 ku në përgjigje të kërkesës së kompanisë që fiton koncesionin ai informohet për një studim ku pjesa takuese e Bashkisë Tiranë, në kosto është 91 milione euro. Në 5 shtator të 2016 ngrihet komisioni për dhënien me koncesion të inceneratorit të Tiranës, ku Bashkia e Tiranës ka dy përfaqësues të saj, z. Taulant Tusha dhe z.Namik Simixhi.

Në kundërshtim me ligjin për pushtetin vendor, Erion Veliaj kthen një përgjigje që unë e kam këtu, në emër të Bashkisë Tiranë, me kostot e buxhetit 91 milione euro. Por njëkohësisht ne emër të Qarkut Tiranë, pa dërguar kërkesën e ministrisë së Mjedisit dhe projektin në Këshilit Bashkiak Tranë. Pra ka miratuar një projekt në kostot e buxhetit të bashkisë Tiranë 91 mln euro pa mbledhur Këshillin Bashkiak.“-tha Tabaku.

Më tej, Tabaku tha se ?Problemi në lidhje me dëmin financiar që paguajnë sot qytetarët shqiptarë është jashtëzakonisht i rëndësishëm sepse qytetari Erion Veliaj ne vetëdije te plote, ne kundërshtim me ligjin ?Për menaxhimin e sistemit buxhetor? merr përsipër nje angazhim financiar, merr përsipër detyrime financiare te Qarkut Tirane per t?ia paguar koncesionarit.?

Sipas Tabakut, Veliaj zotohet që do të paguajë jo vetëm pjesën e bashkisë Tiranë, 91.8 milionë euro pa pyetur Këshillin Bashkiak, por njëkohësisht ne rast se bashkitë e tjera dështojnë per të zbatuar detyrimet e tyre, ai merr përsipër të paguajë detyrimet edhe të bashkive të tjera të qarkut Tiranë, pa e pasur autoritetin, përgjegjësinë por edhe njëkohësisht pa pasur funksionet e kryetarit të qarkut.

?Kjo është një shkelje e dyfishtë, pasi jo vetëm që ka marrë angazhimin për bashkinë Tiranë pa thërritur Këshillin Bashkiak, por njëkohësisht është angazhuar edhe për bashkitë e tjera te qarkut Tiranë.?-theksoi Tabaku./CNA.al