web counter
LEXO PA REKLAMA!

SHKARKO APP

App Store
Google Play

E fundit!

x

Tensioni në Korçë, këto ishin përplasjet gjatë ndeshjes Skënderbeu-Vllaznia që nuk u panë në TV

27 Shkurt 2022, 12:38, Sport CNA

Penalltia dhe kartoni i kuq, në ndeshjen Skënderbeu-Vllaznia të përfunduar 2-2, kanë qenë shpërthim nervash nga të dyja kampet. Në Korçë, të bindur për penallti, kanë pritur me ankth VAR-in, ndërsa Memelli ka frenuar Zguron që po ndiqte nga pas kryesorin Alla duke i kërkuar llogari.

Kur vendimi u mor, i pari që konfirmoi penalltinë nuk ishte Alla, por Sadriu. I ndodhur pranë ai dëgjoi komunikimin e Allës në kufje dhe duartrokiti në shenjë aprovimi. Por, nga ana tjetër shpërthyen protestat.

Zogoviç i tërbuar nga vendimi kërkoi disa herë përplasjen me arbitrin dhe kundërshtarët aq sa dy lojtarë të Vllaznisë nuk po e mbanin dot për ta nxjerrë nga fusha. Brdariç në tribunë bërtiste duke kërkuar llogari për këtë gjykim. Lumë ofendimesh u shkëmbyen në fushë mes të dyja kampeve.

Tensioni nuk ka munguar as në fund të ndeshjes, ku pati edhe një përplasje në distancë mes Adilit të Vllaznisë dhe trajnerit Memelli, ku palët shkëmbyen replikat e rastit. Kujtojmë që Skënderbeu ndodhet në vendin e fundit të klasifikimit, ndërsa Vllaznia lufton për një vend në Kupat e Europës./CNA.al





Lajmet e fundit nga