E fundit!

15:58 Aktualitet

Gjykata e Lartë rrëzon rekursin e ish-kryebashkiakut të Rrogozhinës, mbetet në burg

Gjykata e Lartë ka vendosur të mos pranojë rekursin e ish-...

Drejtori i Partizanit shfryn ndaj Enea Jorgjit: Unë e kam një zgjidhje, por nuk dua ta bëj se jam Olsi Rama

27 Shkurt 2022, 08:52, Sport CNA

Olsi Rama ka reaguar shumë i irrituar pas ndeshjes me Dinamon, jo për barazimin që mori skuadra e tij, por për penalltinë e akorduar, e cila më pas për fat të mirë u korrigjua nga VAR-i. Ai hodhi akuza të rënda ndaj Enea Jorgjit, i cili kthehej pas plot 9 muajsh të gjykonte Partizanin, se si një arbitër i FIFA-s arrin të bëjë një gabim të tillë dhe të presë më pas t?ia korrigjojë teknologjia gabimin.

?Të jem i sinqertë, shkova në pjesën e parë dhe i kërkova skuadrës që të ishin më të vëmendshëm dhe të luanin më të vendosur. Sigurisht nuk jam aspak i kënaqur, sepse duhej patjetër që ta fitonim këtë ndeshje me cilësinë dhe ekipin që kemi, ashtu edhe me rastet që krijuam. Në këtë ndeshje na mungoi agresiviteti sportiv i metrave të fundit, ku ekipi duhet të jetë më cinik, të shfrytëzojë rastet dhe ta mbyllë ndeshjen që në pjesën e parë?, u shpreh fillimisht për ?Panorama Sport?, Olsi Rama.

GJYKIMI ? ?Unë me gjykimin kam një problem shumë të madh, me një arbitër të FIFA-s, i cili me një faull që bëhet dy metra e gjysmë përpara se lojtari të hyjë në zonë, jep penallti pa asnjë dyshim dhe më pas të kuq. Ka edhe një faull më parë te Marku, që duhet ta rishikojë, por as që u mor parasysh. Nuk e di se si një arbitër është recidiv në rastin e Partizanit, sepse e kemi parë edhe në ndeshjet e tjera të japë penalltitë në mënyrën më të shkujdesur të mundshme. Kam qenë në atë pjesë të fushës dhe e kam parë vetë direkt, pa pasur aspak trajnim arbitri që faulli i Muratajt fillon dy apo tri metra larg zonës së rreptësisë dhe lojtari më pas bie në zonë. Por, nuk mund të jepet penallti domethënë, është një gabim i pafalshëm.

Këta lloj arbitrash nuk mund të mendojnë që të vendosin drejtësinë nga VAR-i. Ata janë aty për të vendosur drejtësinë, sepse kur jep penalltinë, jep kartonin e kuq, kthehet ajo dhe sigurisht në mendimin e vet do të mbajë diçka dhe do të vazhdojë t?i qëndrojë besnik kartonit të kuq, ndërkohë që nuk e di se sa rast i pastër për gol është, sepse topi përfundoi në duart e portierit tonë, i cili ishte shumë më i avancuar se lojtari i Dinamos për të bërë gol. Ndaj, kam me të vërtetë një problem shumë të madh me mënyrën sesi vërshëllehet?, u shpreh jo pak i irrituar Rama.

?ZGJIDHJA? ? Në vijim ai tha se ka një zgjidhje për këtë problem me arbitrin, por nuk mund ta bëjë për aq kohë sa është Olsi Rama. ?Unë kam një mënyrë zgjidhjeje, por nuk dua ta bëj, sepse jam Olsi Rama dhe nuk mund të merrem personalisht me një arbitër, që ka harruar integritetin personal në shtëpi të vet dhe vjen të gjykojë Partizanin në një mënyrë krejt të shkujdesur dhe të papërgjegjshme dhe këtë e kam me bindje që e them. Është për mua një gabim i pafalshëm që unë e shoh me tendencë që vetëm përsëritet?.