web counter
LEXO PA REKLAMA!

SHKARKO APP

App Store
Google Play

Ministria e Jashtme jep shifrat zyrtare/ Sa shqiptarë ndodhen në Ukrainë, disa prej tyre kanë kërkuar ndihmë

24 Shkurt 2022, 16:26, Aktualitet CNA

Sekretar i Përgjithshëm i ministrisë për Evropën dhe Punët e Jashtme, Armand Skapi, ka folur mbi situatën e shkaktuar pas sulmeve ruse në Ukrainë.

Skapi në një intervistë për media tha se në Ukrianë ndodheshin 67 shqiptarë në total dhe vetëm 4 prej tyre kishin kërkuar ndihmë.

Ndërsa shtoi se vendi duhet të merrte masa për çdo lloj situate të mundshme në rast të një agresioni, sepse mund të kishte vende të rajonit që mund të përfitonin nga kjo situatë.

?Në total janë 67 shqiptarë në Ukrainë dhe vetëm 4 prej tyre kanë kërkuar asistencë. Sa i përket këtij konflikti që ka nisur, ka vende të rajonit që mund të përfitojnë nga kjo situatë e shkaktuar.

Ne jemi së bashku me dy vende të Ballkanit Perëndimor, Malin e zI dhe Maqedoninë e Veriut, jemi pjesë e NATO-s. Kjo bën që ne të kemi mbështetje të plotë nga oganizata më e fuqishme në rast agresioni. Por kjo nuk duhet të na bëjë që të flejmë mbi dafina. Besoj mund të jeni në dijeni që do të mblidhet edhe Këshilli i Sigurisë Kombëtare madje edhe parlamenti e ka pasur në agjendë edhe sot. Po merren masat në varësi të situatës, jo në tejkalim të kësaj situate. Po e ndjekim herë pas here sepse na duhet të jemi të përgatitur për çdo gjë. Jemi të linjëzuar me BE-në dhe situata është tërësisht në kontroll?, tha ai./E.K-CNA.al

 





Lajmet e fundit nga