web counter
LEXO PA REKLAMA!

SHKARKO APP

App Store
Google Play

Lufta në Ukrainë/ Kryemadhi thirrje qeverisë të marrë masat: Do preket ekonomia

24 Shkurt 2022, 15:14, Aktualitet CNA

Kryetarja e LSI-së, Monika Kryemadhi ka bërë thirrje që komisioni i Politikës së Jashtme të mblidhet dhe të mbajë një qëndrim konkret mbi sulmin e Rusisë ndaj Ukrainës.

Gjatë fjalës së saj në Kuvend, Kryemadhi ndër të tjera solli në vëmendje rrezikun që ekziston për Shqipërinë, nëse Serbia ndalon produktet bujqësore që sjell vazhdimisht drejt kufirit. Kjo sipas saj mund të ndodhte sepse Serbia mallrat i eksportonte nga Rusia.

?Të nderuar kolegë. Në fakt diskutimi sotëm do të ishtë për situatën që po ndodh në Ukrainë. Duke pasur parasysh që sulmet e Rusisë ndaj Ukrainës janë cënim i hapur i drejtëpërdrejtë i paqes jo vetëm në Europë por dhe në botë.

Këto veprime që janë shkatërrimtare për jetën e qytetarëve atje por jo vetëm të qytetarëve por dhe të ekonomisë, të paqes, të zhvillimit, të shëndetit të cilat prekin rajonin por jam e bindur që shumë shpejt do të prekin dhe ekonominë shqiptare dhe sigurinë e vendit tonë.

Prandaj do të ishte normale që Komisioni Politikës Jashtmë në Parlamentin shqiptar duhet të ketë një mesazh të qartë për të gjithë deputetët. Jam e bindur që pa dallim partive politike dhe ideve që përfaqësojmë të gjithë jemi kundër sulmeve që Rusia ka bërë në Ukrainë.

Do të ishte shumë domethënëse që Komisioni i Politikës së Jashtme të kishte një qëndrim të qartë për të gjithë deputetët dhe jo vetëm për deputetët por dhe për të gjitha institucionet shqiptare duke u unifikuar me Ministrinë e Jashtme shqiptare.

Qëndrimi i Shqipërisë si anëtare e NATO-s dhe si një aspirante për të qenë pjesë e Bashkimit Europian duhet të jetë komunikim dinjitoz, jo sporadik dhe jo qesharak. Por me atë modestinë tonë që kemi qoftë në ushtri, qoftë dhe në diplomaci në modesti të jemi serioz në prezantimin tonë.”/ E.T-CNA.al





Lajmet e fundit nga