web counter
LEXO PA REKLAMA!

SHKARKO APP

App Store
Google Play

Publikohen formacionet zyrtare, shikoni si rreshtohen Milani dhe Lacio

9 Shkurt 2022, 19:26, Sport CNA

Sot në orën 21:00 Milani do të presë Lacion në ?San Siro? për ndeshjen e vlefshme për çerekfinalet e Kupës së Italisë. Sfidë delikate, por njëkohësisht pengesë për një nga objektivat sezonalë të Milani. Ndërkohë në krahun tjetër, kryeqytetasit e Sarrit, do të tentojnë gjithçka për gjithçka për të surprizuar kuqezinjtë.

Kjo do të jetë hera e 185-të në tërësi që Lacio sfidon Milanin, teksa e 21-ta në Kupën e Italisë. Bilanci është i ekuilibruar me 8 barazime dhe me nga 4 fitore për secilën skuadër. Nga 9 ndeshjet mes tyre kuqezinjtë kanë dalë fitimtarë vetëm në një rast.

Përballja e fundit mes ?Djallit? dhe kryeqytetasve në Kupën e Italisë daton në vitin 2019 kur Lacio u kualifikua falë fitores 1-0, me gol të Korreas.

Për sa i përket formacioneve zyrtare, mbrojtësi i Kombëtares, Elseid Hysaj është preferuar nga minuta e parë, teksa Strakosha qëndron në stol. Ndërkohë trajneri Pioli ka hedhur nga minuta e parë një pjesë të konsiderueshme të titullarëve, teksa sulmi i është besuar heroit të derbit Oliver Zhiru.

FORMACIONET ZYRTARE: 

Milan (4-2-3-1) Menja, Kalabria, Kalulu, Romanjoli, Hernandez; Kesi, Tonali; Mesias, Brahim Diaz, Leao; Zhiru. Trajner: Stefano Pioli

Lacio (4-3-2-1) Reina; Hysaj, Ramos, Patrik, Marusic; Milinkoviç-Saviç, Kataldi, Basiç; Felipe Anderson, Zakanji; Imobile. Trajner: Maurizio Sarri





Lajmet e fundit nga