E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Jani Kaçi: Skënderbeu nuk bie nga Kategoria

9 Shkurt 2022, 12:50, Sport CNA

Humbja ndaj Tiranës përkeqësoi pozitat e Skënderbeut në renditjen e përgjithshme. Edhe pse e mbyllën vitin e kaluar me 7 pikë diferencë nga vendi i fundit, korçarët tashmë e shohin veten vetëm një pikë larg Kastriotit. Një fakt ky që jep të drejtë të thuhet se sot më shumë se kurrë Skënderbeu rrezikon qëndrimin në Kategorinë Superiore.

Por nuk është i këtij mendimi ikona e futbollit shqiptar, Jani Kaçi. Ish-portieri i Kombëtares shqiptare dhe Partizanit, në një prononcim për ?Panorama Sport?, tregon se pavarësisht pozitës aktuale, ekipi i drejtuar nga Memelli do të mbijetojë në fund.

Kaçi u shpreh:

“Normalisht që humbjet e njëpasnjëshme sjellin një situatë jo të mirë, jo vetëm te Skënderbeu, por në çdo klub që mund të rastisë diçka e tillë. Gjithsesi, unë mendoj se ndryshe nga ndeshjet e mëparshme, mund të them se Skënderbeu ka reaguar ndaj Tiranës, edhe pse rezultati 3- 0 të vret shumë. Në pjesën e dytë, me dy golat e shënuar, mund të them se është një ogur i mirë për ekipin sa i përket vazhdimësisë.

Nuk e shoh të mbyllur kampionatin, edhe për faktin se është luajtur vetëm ndeshja e parë e fazës së tretë. Ka ende rrugë përpara, prandaj jam i bindur se ky Skënderbe ka cilësi dhe lojtarë me kualitet. Në syrin tim nuk është ekipi që del nga kategoria. Unë jam i mendimit që Skënderbeu nuk del nga kategoria dhe këtë nuk e them si tifoz, por si specialist futbolli. Ekipi ka cilësi dhe mbi të gjitha përgatitjen më të mirë fizike.”