web counter
LEXO PA REKLAMA!

SHKARKO APP

App Store
Google Play

E fundit!

x

Kriza në sistemin e drejtësisë/ Ish-anëtari i Këshillit Kombëtar vë “gishtin mbi plagë”

9 Shkurt 2022, 08:39, Politikë CNA

Ish-anëtari i Këshillit Kombëtar të PD, Edvin Kulluri ka komentuar çështjen e zgjatjes së afateve të Vettingut.

Në një postim në rrjetet sociale, ai shkruan se afati i Vettingu-t mund të shtyhet pasi lënia në mes mund të sjellë pasoja më të rënda sesa korrektimi i pasojave të rënda që ka prodhuar boshllëku në sistem.

Por, sipas Kullurit, problemi qëndron tek mijëra çështje që janë mbledhur pirg, dhe për këtë as PD dhe as PS nuk kanë asnjë qëndrim dhe asnjë rrugëzgjidhje.

?Asnjë nga palët politike vendase nuk po ofrojnë asnjë zgjedhje për ecurine e Sistemit Gjyqësor!

Mazhoranca kërkon shtyrjen e afatit të Vettingu-t sipas qëndrimit të ndërkombëtarëve, ndërsa opozita e përçarë nuk ka asnjë qëndrim!

Afati i Vettingu-t mund të shtyhet pasi lënia në mes mund të sjellë pasoja më të rënda sesa korrektimi i pasojave të rënda që ka prodhuar boshllëku në sistem!

Cështja është, a kanë mazhoranca dhe opozita propozime sesi mund të dilet nga kriza aktuale? Janë me qindra mijëra cështje që janë mbledhur pirg në zyrat e gjyqtarëve dhe prokurorëve që po u mohojnë drejtësi po kaq qindra mijëra qytetarëve dhe subjekteve tregtare! Dhe për këtë as PS e as PD dhe Grupi i Rithemelimit nuk kanë asnjë qendrim e asnjë rrugëzgjidhje për të ofruar!

Tërë kjo elitë politike e përfaqësuar në parlament nuk gjen dot 5 burra e gra që të zgjidhin një krize ekzistenciale të shtetit shqiptar!

Dhe kërkojnë vota e mbështetje për të qeverisur vendin ose drejtuar opozitën!

Të paaftë dhe të pamoralshëm deri në dhimbje!?-shkruan Edvin Kulluri./CNA.al





Lajmet e fundit nga