web counter
LEXO PA REKLAMA!

SHKARKO APP

App Store
Google Play

E fundit!

x

LSI bën një tjetër denoncim/ Një çift nga Rubiku ka marrë 9 mln dollarë për inceneratorët

8 Shkurt 2022, 19:26, Politikë CNA

Kryetarja e Lëvizjes Socialiste për Integrim, Monika Kryemadhi thotë se dosja e inceneratorëve duhet të çojë para drejtësisë një numër të madh personash.

Kryemadhi shprehet në një interviste për Euronews me gazetaren Bruna Çifligu se skema e vjedhjes dhe pastrimit të parave është ngritur nga kryeministri Edi Rama.

?Dosja e inceneratorëve, qoftë e Tiranës, Fierit e Elbasanit, kanë kaq shumë, për t?u hapur dhe për t?u faktuar jo vetëm grabitjen, jo vetëm korrupsionin por dhe rënien e shtetit dhe kthimin e një skemë të pastrimit të parave të gjithë strukturës shtetërore?, thotë Kryemadhi.

Kryetarja e LSI tha se për inceneratorët janë paguar 130 milionë euro ndërsa tatim mbi vlerën e shtuar nuk është paguar asnjë qindarkë.

Sipas Kryemadhit, skema e vjedhjes është e hapur pasi në një rast administratori Klodian Zoto i ka paguar një çifti 9 milionë dollarë.

?Një çifti që jetojnë në Rubik, me shtëpi me qira në Lezhë, Klodian Zoto i ka dhënë 9 milionë dollarë punë. Këta nuk bëjnë asgjë, a janë lavazhierë, a janë fermerë, nuk ekzistojnë asgjëkund?, thotë ajo.

Kryemadhi shprehet se e njëjta skemë është përdorur për të tre inceneratorët, ku janë paguar kompani fantazmë, të cilët nuk i kanë paguar shtetit as TVSH.

Akuza për abuzim me paratë publike, Kryemadhi bëri për të tre inceneratorët, duke thënë se është kapur në flagrancë kryeministri, Edi Rama dhe kreu i Bashkisë së Tiranës, Erion Veliaj.

Kryetarja e LSI tha se drejtësia nuk vepron pasi ?SPAK mbahet peng për të mos vepruar?./euronews





Lajmet e fundit nga