web counter
LEXO PA REKLAMA!

SHKARKO APP

App Store
Google Play

E fundit!

x

“Çmendet” Meta tallet me Kushtetuesen/ “Për të fyer u frymëzova nga Rama”

8 Shkurt 2022, 10:31, Politikë CNA

Para përgjatë dhe pas zgjedhjeve të 25 Prillit, Presidenti Ilir Meta fyente dhe sulmonte funksionarë të lartë public apo edhe diplomatë të akredituar në vendin tonë.

Meta ka pranuar në Gjykatën Kushtetuese se ka fyer nga pozicioni i Presidenti, por justifikimi i tij është qesharak dhe tallës duke thënë se për fyerjet dhe sharjet është frymëzuar nga kryeministri Edi Rama.

Pyetja nga Kushtetuesja: Kuvendi pretendon se në dalje publike ka patur fyerje ndaj personave me funksione publike. A pranohet ky fakt?

Përgjigjja nga Presidenti: Presidenti i Republikës është atakuar në të gjitha llojet e formave, dhe kjo fushatë fyerjesh dhe denigrimi është frymëzuar personalisht nga Kryetari i Partisë Socialiste dhe Kryeministri i vendit Edi Rama.

Faktet shumë të rënda publike lidhur me këtë gjenden në qëndrimin e dorëzuar që prej datës 1 korrik 2021, duke filluar që nga vendosja e Posterave të mëdhenj publik vendosur në akset kombëtare të vendit, nga Kryeqyteti, deri në qytete të tjera, ashtu si dhe në aktivitetet politike elektorale të Kryeministrit, i cili me video, foto, fjalë, ka fyer haptazi dhe publikisht Presidentin e Republikës.

Këto fakte janë të njohura prej të gjithë shqiptarëve.

Për këtë pyetje, kemi dhënë sqarime shteruese, edhe në përgjigje të pyetjes me nr. 2, të relatorit. Është me rëndësi që edhe Gjykata të rishohë dhe tre video ku shfaqen thirrje fyese dhe sulmuese të kryeministrit ndaj Presidentit në disa mitingje/aktivitete. Bashkëlidhur këtij materiali gjeni videot përkatëse në format CD. Për më tepër, lutemi t`i referoheni faqes 66, 70, dhe 97-103 të qëndrimeve të dorëzuara që prej datës 1 korrik 2021./E.S-CNA.al





Lajmet e fundit nga