E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Thirrje për rrëmbim kosash e sfurqesh, në fushatën e 25 prillit/ Meta gënjen Gjykatën Kushtetuese

8 Shkurt 2022, 09:03, Politikë CNA

Presidenti Ilir Meta mohon se është bërë palë me opozitën në zgjedhjet paralamentare të 25 prillit.

Meta i ka kthyer përgjigje mohuese, Gjykatës Kushtetuese, kur është pyetur, nëse ka tuajtur pozicionin e tij mbi palët.

Meta justifikohet duke thënë se ka qenë shumë kritik, jo vetëm ndaj partisë në pushtet, por edhe ndaj opozitës.

Kujtojmë se Meta, para dhe përgjatë fushatës, është shfaqur si kryeopozitar, bënte thirrje për luftë civile, për rrëmbim kosash e sfurqesh, ndërkohë që Gjykatës Kushtetuese i thotë se ka qenë mbi palët

Pyetje nga Kushtetuesja: A e keni zbatuar detyrimin kushtetues për të qenë super partes gjatë fushatës zgjedhore të zgjedhjeve të përgjithshme të vitit 2021?

Përgjigjja e Presidentit: E gjithë veprimtaria e Presidentit të Republikës, ka qenë një dëshmi e qartë dhe publike e qëndrimit mbi palët.

Presidenti i Republikës jo vetëm publikisht, por dhe me të gjitha instrumentet ligjore, ka sensibilizuar fort institucionet shtetërore dhe forcat politike për realizimin e një procesi zgjedhor të lirë, të ndershëm, të barabartë dhe pa presione. Ai kurrë nuk ka mbështetur asnjë subjekt politik garues në zgjedhje dhe ka qenë shumë kritik, qoftë ndaj Partisë në Pushtet, ashtu dhe ndaj Opozitës, për çdo qëndrim që binte ndesh me respektimin e parimeve të demokracisë dhe procesit zgjedhor të rregullt dhe demokratik.

Të gjithë i mbajnë mend kritikat e vazhdueshme dhe publike të Presidentit të Republikës edhe ndaj veprimeve tejet të gabuara të lidershipit të opozitës për praktikën e bojkotit në përgjithësi, bojkotin e Reformës në Drejtësi në mënyrë të veçantë, e sidomos përgjegjësinë historike për djegien e mandateve të deputetëve, apo për mospjesëmarrjen si në zgjedhjet vendore të 30 qershorit, ashtu dhe mos regjistrimin në veçanti për zgjedhjet e 13 tetorit nga Partia Demokratike.

Po kështu, nxitja e Presidentit për arritjen e marrëveshjes së 5 qershorit dhe nxitja e tij për të nënshkruar dhe respektuar këtë marrëveshje me çdo çmim, ka qenë e evidentuar publikisht. Madje, edhe paralajmërimi publik i Presidentit të Republikës, se nëse opozita nuk nënshkruante marrëveshjen e 5 qershorit, zgjedhjet do të bëheshin edhe pa të.

Zgjedhjet e 25 prillit 2021, dhe zhvillimet që paraprinë ato, provuan qartë shqetësimet e qëndrimet shumë të drejta të Presidentit të Republikës, e që konfirmohen edhe në Raportin përfundimtar të OSBE/ODHIR-it.

Angazhimi i Presidentit për mbrojtjen e integritetit të procesit zgjedhor dhe parandalimin e ngjarjeve të rënda për shkak të prekjes së votës, janë të evidentuara qartë. 14 Të gjitha faktet shkresore dhe dokumentet që e provojnë këtë katërcipërisht u janë vënë në dispozicion së bashku me materialin e datës 1 korrik 2021, ashtu dhe në seancën gjyqësore të datës 3.2.2022.

I kujtojmë Gjykatës Kushtetuese se, nuk ka patur asnjë shqetësim nga Komisioni Qendror i Zgjedhjeve, si institucioni që sipas Kodit Zgjedhor të Republikës së Shqipërisë, është administrator dhe realizuesi i vetëm i proceseve zgjedhore në Shqipëri.

Ky rol ?super partes? i cituar sipas pyetjes suaj, konfirmohet edhe nga vetë Komisioni Qendror i Zgjedhjeve, i cili përmes shkresës nr. 4378/1 prot., datë 24.04.2021, ka garantuar që 19 anëtarëve të stafit të Kabinetit të Presidentit të Republikës, t`u njihet e drejta për të marrë informacion për mbarëvajtjen e procesit zgjedhor direkt në qendrat e votimit dhe vendet e numërimit të votave, sipas kërkesës së Presidentit të Republikës nr. 1479 prot., datë 24.4.2021. Bashkëlidhur gjeni kopjen e shkresës nr. 4378/1 prot., datë 24.04.2021, të Komisionit Qendror të Zgjedhjeve./E.S-CNA.al