web counter
LEXO PA REKLAMA!

SHKARKO APP

App Store
Google Play

Shkarkimi i presidentit nga Kuvendi/ Patozi: Meta po përfiton nga ngërçi i Kushtetueses

7 Shkurt 2022, 17:47, Politikë CNA

Koordinatori i Bindjes Demokratike Astrit Patozi ka komentuar vendimin e Kuvendit për të shkarkuar presidentin Ilir Meta.

Në një intervistë televizive, ai u shpreh se asnjëra nga palët nuk është e interesuar për shkarkimin e presidentit nga Gjykata Kushtetuese, teksa shton se Meta po përfiton nga pasiguria dhe ngërçet që ndodhet Kushtetuesja.

?Mazhorancës as nuk i prishet dhe as nuk i ndreqet ndonjë gjë duke e shkarkuar Ilir Metën. Por edhe Ilir Meta vetë nuk është i interesuar që të largohet sepse do të ruajë kultin e pandëshkueshmërisë. E gjithë kjo procedurë është kacavjerrje. Stafi i Ilir Metës po sillet me procesin sikur të ishte një kundërvajtje penale, a do marri gjobë apo pezullim patente. Meta ka kaluar nga patetizmi me deklarata për popullin e dy marsit, në një avokati me profil të ulët. Ai po përfiton nga pasiguria që ka Gjykata Kushtetuese pasi edhe kjo vetë është në një lloj ngërçi?, tha ai.

Patozi tha se vendimi që do të marrë Gjykata Kushtetuese për Presidentin do të mësohet shumë më përpara sesa afati i 30 ditëve. Kreu i Bindjes Demokratike u shpreh se Ilir Meta ndodhet në një pozicion të vështirë teksa është palë në zgjedhjet e 6 Marsit dhe për këtë arsye shkarkimi do ta dëmtonte.

?Unë mendoj që mënyra se si po sillet Ilir Meta është një provë që është drejt shkarkimit. Ai ka më shumë informacion se sa ne nga Gjykata pasi është palë në proces. Akuzohet se ka shkelur Kushtetutën. Duke pasur intuitën e një politikani rraci ai e ndjen frikën. Por ai nuk e do shkarkimin sepse ka ngritur çarkun e zgjedhjeve që në 6 Mars të arrijë një objektiv politik?, tha Patozi./E.K-CNA.al





Lajmet e fundit nga