“Unë dhe zoti Balla do të vlerësonim..”/ Tabaku flet në emër të kreut të grupit parlamentar të PS

8 Shkurt 2022, 09:54, Politikë CNA

Këshilli Kombëtar i Integrimit është mbledhur sot për të diskutuar mbi arritjen dhe punën e bërë për integrimin e Shqipërisë në BE.

Kryetarja e këtij këshilli, Jorida Tabaku, ka folur për procesin e Shqipërisë, duke nënvizuar se Shqipëria nuk duhet të fshihet pas vetos së Bullgarisë.

?Në raportin e paraqitur nga institucionet, dua të veçoj tre komponentë kryesor që lidhen me parakushtet dhe 9 kriteret për hapjen e negociatave. Kam vënë re që qeveria shqiptare ka raportuar për pastrimin e parave dhe luftën ndaj krimit, por nuk kemi asnjë rezultat konkret. Janë miratuar disa ligje rutinë në parlament, por nga pikëpamja e zbatimit, nuk kemi asnjë zhvillim.

Në raportin e fundit të transparencës, Shqipëria u rendit e fundit në rajon. Duhet të kishim një dinamizëm të ri, nxitje të re për këtë proces. Nuk e shoh këtë në raportimin e qeverisë shqiptare, raportimi juaj lidhen me SPAK, prokurorët, me problem që s?janë nga ju. Korrupsioni nuk luftohet me plane të integritetit të Ministrisë së Drejtësisë. Një element tjetër janë kërkesat për azil jashtë vendit që për fat të keq 10 vitet e fundit janë 40% në total të aplikuesve. Unë vlerësoj marrëveshjet e arritura, por nuk shoh arritje konkrete. Është e rëndësishme për forcën politike që përfaqësoj reforma e plotë zgjedhore që lidhet me ndryshimet kushtetuese që kemi paraqitur?, ka thënë Tabaku.

Sipas Tabakut, megjithëse ka filluar procedimin penal është fatkeqësi që KQZ u bllokua në parlament dhe s?ka hetim real.

Edhe rekomandimet e OSBE/OHDIR, sipas Tabakur, nuk kanë filluar të zbatohen.

?Unë dhe zoti Balla do të vlerësonim që ky këshill të ishte i përfshirë, se çfarë masash janë marrë, çfarë pune do të bëjnë. Ne duam që të jemi promotor në procesin e Integrimit. Mund të punohet për kapitullin e Reformës në Drejtësi, por është e kotë kjo reformë, ku në luftën ndaj korrupsionit nuk kemi sukses. Unë ju inkurajoj ju që të ulemi dhe të gjejmë një mënyrë që metodologjinë e re ta kthejmë në avantazh. Do të kisha dëshirë të fokusohemi në pushtetin lokal. Nga informacionet që kemi, në shumë prej bashkive nuk janë ngritur shtabet e integrimit. Kështu ndodh edhe në strukturat në ministri. Jam përpjekur gjatë gjithë kohës t?i ngre këto dyshime. Të gjithë kanë emëruesin e përbashkët: Vullnet politik. Ne nuk mund të fshihemi pas vetos së Bullgarisë, duhet të bëjmë punën tonë këtu, të ecim përpara dhe pavarësisht një date që ndoshta nuk është në dorën tonë?, ka thënë Tabaku.

Ndërsa Taulant Balla ka falenderuar opozitën për bashkëpunimin në këtë process dhe tha se ata nuk fshihen pas vetos bullgare./E.S-CNA.al