web counter
LEXO PA REKLAMA!

SHKARKO APP

App Store
Google Play

U gjet e masakruar me thikë në shtëpinë e saj/ Zbulohet vrasësi i gruas në Fier

8 Shkurt 2022, 13:24, Kronika CNA

Policia ka zbardhur në kohë rekodr ngjarjen e rëndë në Fier, ku një 50 vjeçarë u gjet e masakruar me thikë ne shtëpinë e saj.

Fillimisht u raportuar  se Valdete Nanaj, 50-vjeçe, është gjetur nga bashkëshorti Petrit Mamaj, e vrarë me thikë dhe se ka qenë kunati i viktimës, punonjës policie, i cili ka njoftuar policinë.

Por hetimet kanë rrëzuar versionin e parë duke arritur në përfundimin se 50 vjeçarja u masakrua me thikë nga bashkëshorti për shkaqe xhelozie.

Njoftimi i Policisë

Zbardhet dhe dokumentohet ngjarja e ndodhur mëngjesin e sotëm në lagjen ?Sheq i Madh? Fier.

Pas një pune hetimore në bashkëpunim me Prokurorinë Fier, Policia arreston shtetasin P. M.,si autor i dyshuar i vrasjes së bashkëshortes së tij.

Pas njoftimit të marë në sallën operative se në lagjen ?Sheq i Madh?, Fier, në banesën e saj një shtetase është vetëvrarë, menjëherë është ngritur grupi hetimor dhe në bashkëpunim me Prokurorinë Fier kanë vijuar punën për zbardhjen e plotë të rrethanave të ngjarjes.

Nga provat e grumbulluara, deklarimet e marra, këqyrjes së trupit të viktimës nga eksperti mjeko-ligjor dhe veprimet e mëtejshme hetimore të kryera nga grupi hetimor në bashkëpunim me Prokurorisë Fier, rezulton se shtetasi P. M., bashkëshorti i viktimës, për motive të dobëta ka goditur me thikë shtetasen V. M., e cila për pasojë ka gjetur vdekjen.

Në bazë të hetimeve të thelluara, i vendosur përballë provave të adminstruara, shtetasi P. M., ka pranuar autorësinë dhe motivin e ngjarjes.

Në vijim të veprimeve, specialistët për Hetimin e Krimeve në Komisariatin e Policisë Fier arrestuan në flagrancë për veprën penale ?Vrasja në rrethana të tjera cilësuese?, shtetasin P. M., 56 vjeç.

U sekuestrua në cilësinë e provës materiale mjeti prerës(thikë), me të cilën dyshohet se autori ka kryer vrasjen./CNA.al





Lajmet e fundit nga