E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

Uzuni, imituesi i “Siuuu” të Ronaldos do debutojë te Granada

5 Shkurt 2022, 11:45, Sport CNA

Myrto Uzuni është transferuar në LaLiga te Granada dhe kjo lëvizje nuk ka kaluar pa u vënë re, sidomos pas festimit të sulmuesit beratas kundër Juventusit. ?Siuuu? bëri xhiron e internetti dhe Ronaldo në fund i dha edhe fanellën.

Prestigjiozja AS i ka bërë edhe një artikull Uzuni dhe e nis kështu: ?Myrto Uzuni, i lindur më 31 maj 1998 në Berat, nuk e ka pasur jetën e lehtë. Një futbollist që e kishte thënë vetë që e admironte Ronaldon dhe që sapo ka zbarkuar në LaLiga me Granada?.

Më tej AS Shkruan: ?Ai është një nga bastet e këtij klubi në merkato dimërore, për të cilin ka paguar rreth 3 milion euro. Një anësor që shënon gola, që ka ambicie dhe shumë nerv. Uzuni e arriti famën më 25 nëntor 2020. Në atë kohë shqiptari luante me Ferencvaros dhe goli i tij kaloi në avantazh hungarezët në Torino ndaj Juventusit të idhullit të tij: Cristiano Ronaldo.

Uzuni bëri festimin e famshëm ?Siuu? nën hundën e tij. Në fillim nuk i erdhi mirë, por Cristiano më pas shënoi një gol fantastik dhe Juventusi fitoi 2-1. Pas ndeshjes Uzuni u takua me portugezin dhe shkëmbeu fanellat, kurse CR7 nuk shfaqi ndonjë inat për imitimin. Ky është trofeu i tij më i çmuar.

Shqiptari ka lexuar gjithçka për portugezin. Jeta e bëri atë të ishte një emigrant ilegal në Greqi. Prindërit e tij punuan shumë për të mbajtur familjen, por Uzuni duke qenë ilegal nuk mund të luante futboll në Greqi. Ai u kthye për të luajtur futboll në vendin e tij, në moshën 16-vjeccare. Përpjekjet e familjes së tij, që lanë ëndrrën e një jete të re në Greqi, u shpërblyen dhe sot Uzuni jeton nga futbolli, pasioni i tij?.

Gazeta spanjolle citon edhe fjalët e Uzunit për Ronaldon: ?Cristiano është pika ime e referimit, e di historinë e tij. Kam lexuar gjithçka për të. Ishte motivimi im?. Artikulli nuk përfundon me kaq: ?Tani ai do të shkelë në Bernabeu, tempullin ku idhulli i tij u bë edhe më i madh, me ëndrrën për të qenë në gjendje për të bërë një tjetër ?Siuuuu?, në atë që ishte shtëpia e portugezit për kaq shumë vite?.