E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Jahmir Hyka: Ja pse zgjodha Teutën

4 Shkurt 2022, 18:58, Sport CNA

Jahmir Hyka kthehet pas 11 vitesh të luajë përsëri në Kategorinë Superiore. Mesfushori i cili ka veshur për 47 ndeshje fanellën e kombëtares shqiptare, ka firmosur me Teutën, duke i dhënë fund rrugëtimit që e ka shëtitur në tre kontinente për të treguar vlerat e tij. Një rrugëtim që ai ka zgjedhur ta tregojë për ?Sport News? në ?News 24?.

Duke iu përgjigjur pyetjeve të moderatores Enxhi Biba, Hyka ka treguar etapat e kësaj karriere, por duke u fokusuar fillimisht te ajo e radhës, kampionati shqiptar i futbollit, ku ka pranuar sfidën e re me fanellën e Teutës.

?Unë vija pas një periudhe shumë të gjatë që nuk kisha luajtur, ndoshta edhe shkëputja pak vonë me ekipin kinez, ma bëri pak më të vështirë të gjeja një ekip më shpejt. Kam pasur kontakte edhe me Tiranën e Dinamon, po nuk dua të flas për këtë temë. Jam shumë i lumtur që më dha Teuta mundësinë dhe shpresoj t?i ndihmoj sa më shumë.

Teuta është ekipi kampion i cili normalisht nuk e ka nisur kampionatin si duhet, por kualiteti dhe cilësia është. Kupa është akoma mundësi dhe do të mundohemi të bëjmë maksimumin dhe të fitojmë Kupën.

Me këto afrimet e fundit, çdo ekip në Superiore ka pasur disa përforcime, por kampionati është akoma i hapur. Janë disa ekipet që luftojnë dhe mendoj se do të jenë ndeshje të bukura dhe deri në fund besoj se do të ketë surpriza.

Forma fizike? Kur fola me Arapin fillimisht në telefon, pyetja e parë që më bëri është ?Si je nga gjendja fiizke??. E qetësova, se ndonëse nuk kam luajtur, jam stërvitur gjatë gjithë kësaj periudhe. Më mungonin minuta në ndeshje, po jo mungesë stërvitje. Dihet çfarë kërkon ai nga unë, eksperiencë dhe cilësitë që kam. Nëse kap formën sa më shpejt, do të ndihmoj ekipin dhe shpresoj ta bëj në ndeshjet e ardhshme.

Unë gjithmonë e kam thënë që do të doja të kthehesha përsëri në Shqipëri. Nuk e di a është momenti i duhur, mendoj se sa i përket moshës, nuk është se jam shumë i vjetër. Por pas 11 vjetësh është shkëputje e dhe kam pak emocione se është eksperiencë tjetër të kthehesh përsëri në kampionatin shqiptar. Shpresoj të kap sa më shpejt formën dhe të ndihmoj ekipin.

A e kam ndjekur Superioren? Kontakte kam pasur gjithmonë se kam qenë i lidhur me Shqipërinë gjithmonë, kam familjen këtu, kam ndjekur kampionatin shqiptar, arritjet e ekipeve apo edhe dështimet kur ka pasur të tilla, Në vitet e fundit është bërë kampionat i bukur të them të vërtetën, ka pasur rivalitet e konkurrencë, shpresoj që të vazhdojë kështu.

Tirana? E kam ndjekur. Tirana besoj se e meriton të jetë aty ku është, ka pasur ekipin mjaft të mirë, ka krijuar ekip shumë të mirë. Ekipet e tjera kanë mbetur pak mbrapa ndoshta, nuk ishin ku duhet. Por besoj se në vazhdimësi mund të ndodhin edhe surpriza, të shohim si do të shkojë në vazhdim.

Është emocion më vete që të kthehem përsëri në Superiore dhe të luash kundër Tiranës do të jetë emocion në vete për mua. Por kur futem në lojë nuk është se e shoh kush është përballë, përqendrohem te loja dhe besoj se do të jetë si çdo ndeshje tjetër. Me Tiranën kam fituar Kupën e Superkupën, kampionatin nuk e kam fituar, këto ishin kujtimet e bukura me të. Isha i ri dhe kur erdha te Tirana, më ndihmoi të bëja hapin tjetër. Fitimi i kupës, herën e dytë, se një herë e humba në finale me Vllazninë, fitorja atëherë ishte një gëzim i madh.

Me Dinamon gjithashtu kam kujtime shumë të bukura se kam nisur aty futbollin dhe deri 16-17 vjeç e kam kaluar te Dinamo. Janë kujtime të bukura dhe nuk jam ndjerë mirë kur ra nga kategoria e pat vitet problematike. Tani që u kthye m?u bë qejfi se një ekip i tillë e meriton të jetë në Superiore për histori e të gjitha. Ndaj mund t?i uroj vetëm suksese në vazhdim?, tha Hyka.