web counter
LEXO PA REKLAMA!

SHKARKO APP

App Store
Google Play

Kategoria e Parë/ Bylis në arrati, pesë ekipe luftojnë për vendin e katërt

5 Shkurt 2022, 10:17, Sport CNA

Do të luhet sot akti i 18-të i Kategorisë së Parë me të gjitha ndeshjet që do të luhen në orën 13:30, përveç Besa-Korabi që do të zhvillohet ditën e nesërme.

Kështu, Bylis që ka marrë arratinë në krye, tetë pikë nga vendi i dytë, do të përballet sot në transfertë me Turbinën e Cerrikut. Ndeshja duket e lehtë në letër për ballshiotët duke marrë parasysh edhe faktin se Turbina është në vendin e parafundit.

Nuk kërkon të lëshojë më terren Erzeni i vendit të dytë, që do të ndeshet sot në shtëpi kundër Shkumbinit. Vendasit kërkojnë tre pikët dhe të hedhin pas humbjen në ndeshjet e fundit ndaj një rivali direkt si Bylis.

Lufta për vendin e katërt ndahet mes pesë ekipeve që potencialisht mund të luftojnë edhe për vendin e tretë dhe të dytë në klasifikim. Kështu, Tomori i vendit të katër do të përballet me Lushnjën. Nga ana tjetër, Apolonia që ndodhet me pikë të barabarta me Tomorin, do të presë në shtëpi Maliqin e vendit të fundit.

Nga një pikë më pak ndodhen Burreli dhe Tërbuni. Këta të fundit do të ndeshen kundër Vorës, ndërsa Burreli do të presë në shtëpi Butrintin e Sarandës.





Lajmet e fundit nga