E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

Zgjatja e afatit të Vettingut/ Gati marrëveshja e radhës Rama-Basha

3 Shkurt 2022, 09:29, Politikë CNA

Partia e Lulzim Bashës, duket se do të shkojë drejt një tjetër marrëveshje me socialistët.

Të paktën kjo është lënë të kuptohet nga Taulant Balla, i cili në një prononcim për mediat disa ditë më parë tha se ?Zgjatja afateve të Komisionit të Vettingut është domosdoshmëri për të çuar para këtë process dhe jo domosdoshmëri për PS.

Për këtë çështje kemi një qasje dhe kemi diskutim me grupin parlamentar të PD për të gjetur formulimet e sakta sa i përket objektit të mandatit për Komisionet e Vettingut.

Duam të ruajmë të njëjtin përcaktim si në komisionet e tjera të reformës. Ka negociata dhe vijojnë negociatat me ta?.

Në fakt, duket se marrëveshja sot në Kuvend ka bere nje hap para, pasi është miratuar kërkesa e Ballës që në 10 shkurt, të votohet në lidhje me kërkesën për zgjatjen e afateve të Vettingut.

?Jemi të detyruar ta vendosim në rendin e ditës në datën 10 shkurt?, tha Balla sot në Kuvend.

Ndërkohë, ka reaguar deputeti i PD, Enkelejd Alibeaj i cili kërkoi ?konsesnus?.

Ai theksoi se ndërhyrjet në Kushtetutë duhet të jenë sa më të pakta dhe të harmonizuara mes palëve.

Pjesë nga diskutimet:

Alibeaj: I gjithë procesi i zhvilluar deri tani është i njëanshëm. I gjithë procesi për ndërhyrjen në Kushtetutë ka qenë i njëanshëm. Kushtetuta është akti, ku duhet të ndërhyhet sa më pak. Procedurat për të gjitha iniciativat parlamentare për ndërhyrjet në Kushtetutë duhet të jenë të harmonizuara. Kam dhe një kërkesë tjetër, që nuk ka lidhje me këtë çështje. Bëhet fjalë për një kërkesë tonën që është depozituar që në dhjetor, me veprimtarinë dhe ecurinë e komisionit hetimor për inceneratorët.

Balla: Ndryshimet kushtetuese janë të tilla, që afatet janë të përcaktuara me shumë rigorozitet nga ana e vet Kushtetutës. Asnjëri prej nesh në këtë sallë nuk mund t?i shmanget detyrimit që vendos rregullorja, që ndryshimet e kaluara në mbledhjen e përbashkët të Këshillit të Legjislacionit, kanë një afat 14-21 ditor. Kjo hapësirë mes datës 10 shkurt dhe 17 shkurt është hapësira e vetme që ka lënë rregullorja. Nuk na ka lënë rregullorja asnjë hapësirë për të negociuar apo interpretuar, jemi të detyruar ta fusim në datën 10. Unë do të ftoja kolegët e PD që të kuptojmë rëndësinë e përmbylljes së këtij procesi. Nuk është një proces që duhet politizuar apo që duhet bërë pjesë e agjendave të tjera të forcave të tjera politike në Kuvend. Zgjatja e afateve të mandatit të Vettingut duhet bërë, pasi ky është një proces i suksesshëm i pastrimit nga persona të korruptuar, me lidhje kriminale dhe të paaftë për të bërë drejtësi. Duhet të tejkalojë agjendën politike të secilit prej nesh kjo çështje. Nuk janë propozimet e PS, por janë nevoja që ka Shqipëria për të çuar përpara këtë proces. Unë nuk mund ta konsideroj rregulloren e Kuvendit llastik. Prandaj për ta mbyllur këtë çështje do të sugjeroja që seanca të shprehej me votë për përfshirjen në rend dite në seancën e 10 shkurtit zgjatjen e afateve të organeve të Vettingut. Biem të gjithë dakord se procesi i Vettingut duhet të vazhdojë. Duhet të marrë fund politizimi për këtë çështje./CNA.al