web counter
LEXO PA REKLAMA!

SHKARKO APP

App Store
Google Play

Zbardhen marrëveshjet e Bashës me LSI/ Paralajmërimi i fortë: Erdhi edhe fundi yt

2 Shkurt 2022, 14:12, Politikë CNA

Lëvizja Socialiste për Integrim ka reaguar pas akuzave të sotme të Lulzim Bashës.

Në një deklaratë në faqen zyrtare, LSI shkruan se ?qylaxhiu Brava?, duke iu referuar këtu Lulzim Bashës, as nuk do të ekzistonte pa LSI-në.

Në deklaratë LSI, ka zbardhur marrëveshjet me Bashën, dhe të gjitha rastet kur i ka ardhur në ndihmë, që nga vitit 2005.

?Qylaxhiu Brava, që as nuk do të ekzistonte pa LSI.

Brava s’do të ishte bërë kurrë Ministër në vitin 2005 nëse LSI nuk do t?i hiqte 18 mandate Fatos Nanos.

Brava s’do të bëhej kurrë Ministër i Brendshëm në vitin 2009 pa votat e deputetëve të LSI në parlament .

Brava s’do ta kishte parë kurrë as në ëndërr derën e Bashkisë së Tiranës pa 23 mijë votat e LSI dhe pa 1500 votat e Hysni Milloshit, që u regjistrua në zgjedhje nga këshilltarja bashkiake e LSI.

Brava s’do të ishte bërë kurrë as në ëndërr kryetar i PD nëqoftëse nuk do të ishte kryetar bashkie.

Bravën do ta kishin përzënë si qen dhe PD do të shkatërrohej, do copëtohej në momentin e Reformës në Drejtësi nëqoftëse s’do të ishte Ilir Meta kryetar i LSI dhe i Parlamentit që e shpëtoi duke e futur Bravën në proces dhe duke iu imponuar edhe ndërkombëtarëve për ta pranuar.

Brava do të ishte asgjësuar politikisht me kohë po të mos kishte qënë Ilir Meta kryetar i LSI, që nuk pranoi kurrë zgjedhje pa PD.?-thuhet në deklaratë.

Më tej, LSI risjell në vëmendje edhe djegien e mandative, veprim për të cilin fajëson Lulzim Bashën.

?LSI duke i besuar Bravës së telekomanduar nga Rama dogji mandatet dhe nuk mori pjesë as në zgjedhjet lokale.

Por çdo gjë mund të pritet nga ky mashtrues i shitur të cilin nuk e voton as gruaja e tij që ka 18 vjet që nuk ka shtetësi shqiptare.

Brava, qyli mbaroi e bashkë me të erdhi edhe fundi yt se ti pa qyl nuk jeton dot asnjë minutë.

Kaq për sot!?-përfundon deklarata./CNA.al





Lajmet e fundit nga