web counter
LEXO PA REKLAMA!

SHKARKO APP

App Store
Google Play

E fundit!

x

“Shtëpia e Lirisë”/ Lubonja mbështet koalicionin e Berishës me LSI, thirrje intelektualëve të bashkohen

2 Shkurt 2022, 18:55, Politikë CNA

Koalicioni i ish kryeministrit Sali Berisha me LSI për zgjedhjet e pjesshme të 6 marsit është mbështetur nga analisti Fatos Lubonja.

Në një intervistë për media, Lubonja u shpreh se ai vetë këtë koalicion do e quante ?Fronti i Lirisë? dhe jo ?Shtëpia e Lirisë?, ndërsa iu bëri thirrje edhe intelektualëve që t?i bashkohen.

Lubonja tha se do donte që ky koalicion të fitonte përballë regjimit të Edi Ramës.

“Unë e shikoj këtë si një bërthamë rreth të cilës do duhet të grumbullohen të gjithë shqiptarët. Që këtu nuk është më çështje as oligarkie, por këtu është për të shpëtuar nga monizmi oligarkik, që ka kapur gjithçka, edhe opozitën zyrtare në një farë mënyre.

Kjo është një gënjeshtër e madhe që kërkohet t?iu imponohet shqiptarëve. Edhe atë nismën për shkarkimin e Metës unë e shikoj Ramën si arkitektin e kësaj, që ka punuar për një kohë të gjatë për eliminimin e çdo kundërshtari. Gjykoj se jemi në një situatë ku duhet të bashkohen të gjitha forcat, edhe intelektualët, në këtë front të lirisë. Unë kam qenë protagonist i një akti, që shumë e kanë quajtur të pamoralshëm.

U bashkova më 1999 me PS, që ishte trashëgimtare e një regjimi, që më kishte futur në burg. Por, gjykoja se politikisht një bashkim i të gjitha forcave kundër Berishës në atë kohë ishte i rëndësishëm. Këtu është çështja e gjykimit politik.

Situata është se ka një projekt për të na nënshtruar të gjithëve ne dhe eliminimi i Metës dhe Berishës është në këtë kuadër. Ata vetë mund ta meritojnë goditjen, por politikisht eliminimi i tyre do të thotë instalim edhe më i fortë i regjimit, meqenëse Lulzim Basha nuk është në lartësinë e një lideri politik, është nënshtruar“, tha analisti Fatos Lubonja./E.K-CNA.al





Lajmet e fundit nga