web counter
LEXO PA REKLAMA!

SHKARKO APP

App Store
Google Play

Regjistrimi i koalicionit Shtëpia e Lirisë në KQZ/ Ivi Kaso jep detaje

3 Shkurt 2022, 18:57, Politikë CNA

KQZ shqyrton nesër kërkesën për regjistrimin e koalicionit ‘Shtëpia e Lirisë’.

Anëtari i Komisionit të Rithemelimit të PD, Ivi Kaso u shpreh se nuk ka asnjë ngërç ligjor dhe se KQZ do të regjistrojë koalicionin zgjedhor për garën e 6 marsit.

Kaso në një intervistë për media tha se Komisioni i Rithemelimit është organi më i lartë vendimmarrës i PD, i mandatuar nga Kuvendi për të drejtuar PD gjatë periudhës tranzitore dhe ky komision ka nënshkruar për llogari të PD marrëveshjen politike.

“Aspekti juridik është plotësisht në përputhje me dispozitat e Kodit Zgjedhor, me parashikimet e nenit 65 të Kodit, që rregullon jo vetëm marrëveshjen politike për koalicionin, por detajon elementët juridikë, për çdo marrëveshje politike që bën bashkë forcat garuese në një koalicion, është i përbushur me përpikmëri siç e kërkon ligji zgjedhor. Nuk mund ta ve në dyshim faktin që koalicioni do të duhet të regjistrohet se s’ka si të ndodhë veçse kështu, në garën e 6 marsit, siç e kanë përcaktuar subjektet nënshkruese të marrëvgeshjes politke të koalicionit të shpallur me emrin ‘Shtëpia e Lirisë’. Më pas do të detajohen hapat e mëtejshëm të regjistrimit të kandidatëve dhe aspektet e tjera procedurale, për paraqitjen e tyre në fletën e votimit. Proceduralisht nuk ka asnjë ngërç“, tha Kaso./E.K-CNA.al





Lajmet e fundit nga