web counter
LEXO PA REKLAMA!

SHKARKO APP

App Store
Google Play

Zgjedhjet e 6 marsit/ Boçi: Ja pse Basha i nxori me vonesë emrat e kandidatëve

3 Shkurt 2022, 18:35, Politikë CNA

Në zgjedhjet e pjesshme vendore të 6 marsit beteja për kryetar bashkie do të jetë mes PS, kandidatëve të Bashës dhe atyre të Sali Berishës.

Deputeti i PD Luçiano Boçi, i cili është pjesë e Komisionit të Rithemelimit, shprehet se kandidatët që kanë dalë nga primaret kanë më shumë epërsi përballë kandidatëve të Bashës, ndërsa tregon edhe arsyen pse emrat e PD-së dolën në momentet e fundit.

“Është pritur që të konfirmohen kandidaturat e Komisionit të Rithemelimit dhe më pas që të publikoheshin kandidaturat e tjera, askush nuk e beson dhe nuk është rruga e duhur. Duhet marrë në konsideratë, lufta është e vështirë dhe shumë analistë shpesh e fusin në kurthin e votave, dhe ky realitet është realitet numrash, po kjo shkon edhe përtej numrave. Logoja nuk është aq ndikuese, votoja do të ndikohet pak nga loga, po e vendos kandidati.

Mënyra e komportimit të kandidatit, çfarë vizioni do ketë kandidati dhe sot njerëzit kanë edhe një specifikë tjetër, do bashkëngjiten te kandidati se janë të mërzitur nga partitë politike, kundërshtia ndaj logove është më e fortë se kurrë më parë. Te Shtëpia e Lirë dhe te PD jemi brenda një anëtarësi ku pjesa më e madhe është e Shtëpia e Lirisë.  Një kandidat nga selia tjetri nga anëtarësia. Hyhet për të fituar se ky është synim“, tha Boçi./E.K-CNA.al





Lajmet e fundit nga