web counter
LEXO PA REKLAMA!

SHKARKO APP

App Store
Google Play

I shpallur në kërkim për prodhim dhe shitje droge/ Përfundon në pranga 41 vjeçari

3 Shkurt 2022, 13:10, Kronika CNA

Policia ka vënë në pranga shtetasin Sh.G 41 vjeç, i shpallur në kërkim për veprat penale “Prodhimi dhe shitja e narkotikëve”, kryer në bashkëpunim.

41 vjeçari, rezulton i shpallur në kërkim në kuadër të një operacioni antidrogë të zhvilluar në prill të vitit 2021, ku u godit një grup i strukturuar kriminal dhe u sekuestruan 32.5 kg lëndë narkotike të dyshuar cannabis.

?Specialistët e Seksionit për Hetimin e Trafiqeve të Paligjshme dhe Narkotikëve në Drejtorinë Vendore të Policisë Korçë, bënë ekzekutimin e vendimit penal për ndalimin e shtetasit në kërkim ndërkombëtar Sh. G., 41 vjeç, banues në fshatin Ngjeqar, Roskovec, pasi Gjykata e Rrethit Gjyqësor Korçë, me vendimin e datës 17.03.2021, ka caktuar për këtë shtetas masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim.

41-vjeçari, rezultonte i shpallur në kërkim në kuadër të operacionit policor antidrogë të koduar “Finish”, të finalizuar më datë 08.04.2021, si rezultat i të cilit u godit një grup i strukturuar kriminal dhe u sekuestrua 32,5 kg lëndë e dyshuar narkotike kanabis. Shtetasi Sh. G., është kapur në Belgjikë dhe më pas u krye ekstradimi i tij, në drejtim të vendit tone?, njofton policia./A.E-CNA.al





Lajmet e fundit nga