E fundit!

10:15 Aktualitet

VIDEO-Protestë nga burgu i Pojskës/ E burgosura: Rama jep dorëheqjen

Një e burgosur në burgun e Pojskës është filmuar nga drita...

Emrat/ Rrjeti kriminal i drogës me zyrtarë dhe të dënuar

2 Shkurt 2022, 07:34, Kronika CNA

Mbrëmjen e kaluar është zhvilluar një mega operacion policor në Elbasan, duke shkatërruar një rrjet të mirëorganizuar kriminal.

Fijet e rrjetit lidheshin mes zyrtarëve të burgjeve si Elbasan, Peqin dhe Korçë me të burgosurit, ku në bashkëpunim me njëri tjetrin, fusnin brenda qelive lëndë narkotike por edhe sende të tjera si celularët.

Janë 11 punonjës të burgjeve të arrestuar, në IEVP Elbasan, IEV Peqin, IEVP Drenovë si dhe emra të njohur të botës së krimit.

Të arrestuar janë Arben Grori, Klajdi Gjeçi, Aleksandër Sinanaj dhe Aleksandër Llanaj.

Në mes të arrestuarve, raportohet se ka edhe biznesmenë nga Vlora të cilët akuzohen për lojëra fati.

Të dënuarit VIP, me të cilët bashkëpunonin zyrtarët

Aleksandër Sinanaj dyshohet si një nga grabitësit e maskuar të Bankës Kombëtare Tregtare që ndodhet në lagjen ?Hajro Çakërri? në qytetin e Vlorës, një ngjarje që ndodhi në 15.08.2011.

Aleksandër Llanaj është shpallur fajtor për vrasjen e tre të rinjve në prill të viti 2015 në Vlorë e dhe është dënuar me burgim të përjetshëm e më pas me 35 vite burgim nga të tre shkallët e gjyqësorit në Shqipëri.

Arben Grori, është dënuar me burgim të përjetshëm në vitin 1999 nga Gjykata e Pestë Penale e Milanos në Itali, vendim që u njoh dhe u la në fuqi më pas dhe nga Gjykata e apelit, po në Milano. Grori u gjet fajtor për vrasjen e Zyberit, në një spital në Milano, ku ndodhej i shtruar.

Klajdi Gjeci, njihet si mik i Emiliano Shullazit u kap në Tiranë për shitje narkotikësh në Maj 2020.

Rrjeti i goditur, zbardhen emrat

Hysni Ndreu, polic
Gazmir Meta, polic Bradashesh
Elvis Gjoci, kontrollor burgu Bradashesh
Gentjan Gjata, biznesmen
Kastriot Gjella, qytetar
Erigers Miha, qytetar
Ervin Velia, i dënuar
Genci Xhahasa i dënuarKlevis Delia, i dënuar
Dardan Xhahysa, qytetar
Enver Kasneci
Delin Hajdari, i dënuar Drenovë
Aleksander Llanaj, i dënuar
Gaxhai Gazmir Braka, i dënuar
Arben Grori i dënuar
Aleksandër Sinanaj, i dënuar në Peqin
Leo Osmani, i dënuar
Ilia Bashelli, punonjës policia Drenovë
Olgert Muça, policia Drenovë