web counter
LEXO PA REKLAMA!

SHKARKO APP

App Store
Google Play

Veliaj sulmon sërish FSHF/ “Kjo betejë  do të tregojë se nuk ka të paprekshëm”

26 Janar 2022, 14:17, Politikë CNA

Kryebashkiaku Erion Veliaj sërish është marrë sot me Federatën Shqiptare të Fubollit.

Sipas tij beteja me FSHF-në do të tregojë se nuk ka të paprekshëm.

?Dje më pyeti dikush: Pse nuk u more më herët me FSHF-në? I thashë, sepse më përpara kisha një betejë tjetër, atë me betonieret. Edhe për atë betejë thoshin është e pamundur, por ja ku jemi sot. Pavarësi nuk do të thotë të jesh i paprekshëm! Ky qytet dhe ky vend ka çdo ditë beteja?, ka thënë Veliaj.

Sipas të njëjtit, në fillim ishte beteja për informalitetin sepse nuk paguhej as uji, as dritat, pra praktikisht vidhnim shtëpinë tone dhe më pas ishte beteja e universiteteve.

?Sepse ishte e pamundur t?i thoje një të riu se diploma e ?Kristalit? dhe ?Vitrinës? do të shpien përpara në jetë. Ishte gënjeshtër e madhe! Një abuzim dhe vjedhje e madhe. Ishte e pamundur të shkulje disa çibanë brenda universitete. Ja ku jemi sot! Ishte e pamundur lufta me betonieret. Ja ku jemi sot! Nuk ka betejë që nuk fitohet nëse shumica morale e shoqërisë e ndan mendjen për ta fituar këtë betejë. Unë e kam ndarë mendjen dhe për betejën me FSHF-në?, tha Veliaj.

Këto deklarata Veliaj i bëri gjatë një takimi me dekanët dhe rektorët e universiteteve publike të kryeqytetit, në vijim të përgatitjes së programit për Kryeqytetin Europian të Rinisë./CNA.al





Lajmet e fundit nga