web counter
LEXO PA REKLAMA!

SHKARKO APP

App Store
Google Play

E fundit!

x

Bashës i mbarojnë njerëzit/ Pesë detyra Alibeajt

26 Janar 2022, 13:40, Politikë CNA

Lulzim Basha ka reaguar pas largimit të Helidon Bushatit, si drejtues politik në Qarkun e Shkodrës.

Në vend të tij njofton se ka zgjedhur Enkelejd Alibeajn.

?Duke e konsideruar qarkun Shkodër si një nga qarqet më të rëndësishme për Partinë Demokratike, Kryetari i Partisë Demokratike ka vlerësuar se qarku Shkodër ka të domosdoshme drejtimin nga një funksionar i lartë i PD dhe ka zgjedhur si Drejtues Politik të qarkut Shkodër, Nënkryetarin e PD dhe Kryetarin e Grupit Parlamentar z. Enkelejd Alibeaj.

Duke falenderuar z. Helidon Bushati për rolin dhe përgjegjësinë e marrë në drejtimin e qarkut gjatë betejës elektorale të 25 Prillit dhe fokusimin e tij aktual tek beteja parlamentare kundër regjimit të korruptuar të Edi Ramës, Kryetari i PD shpreh bindjen se me drejtimin e ri politik, Partia Demokratike në Qarkun e Shkodrës do të jetë bastion i fuqishëm i PD dhe në krye të fitores së PD në gjithë Shqipërinë?, thuhet në deklaratë.

Por, mesa duket Basha i braktisur nga demokratët dhe më i vetmuar se kurrë, kryetari i shkarkuar i PD, ka mbetur vetëm me Alibeajn, të cilit sot i ka dhënë detyrën e pestë.

Pas postit të Nënkryetarit të Partisë Demokratike që i dha Basha, Enkelejd Alibeaj, ka marrë drejtimin e degës së Partisë Demokratike në Vlorë.

Alibeaj do të drejtojë si i komanduar degën e PD-së në Vlorë, pas shkarkimit të Genc Deromenaj, i pozicionuar në krah të ish-kryeministrit Berisha.

Po ashtu, Alibeaj është komanduar nga Basha, edhe në Fier.

Alibeaj drejton gjithashtu edhe grupin parlamentar të PD, vendim ky i marrë nga Basha pak ditë më parë, si dhe kryetar për hetimin parlamentar të zgjedhjeve të 25 prillit.

Ndërkohë, sot Basha e ka zgjedhur edhe si drejtues politik të qarkut të Shkodrës.

Mesa duket, Luli laj thaj, sytë nga teli ose Enkelejdi./CNA.al

Alibeaj merr detyrën e katërt nga Basha

Një tjetër drejtues politik dhe deputet braktis Bashën





Lajmet e fundit nga