web counter
LEXO PA REKLAMA!

SHKARKO APP

App Store
Google Play

E fundit!

x

Shkollat u mbyllën se s’kishte ngrohje?/ Kushi: Ndodhi dhe në shtete të tjera

26 Janar 2022, 12:42, Politikë CNA

Pas mbledhjes së sotme të Qeverisë, në një deklaratë për media, ministrja e Arsimit, Evis Kushi ndër të tjera ka folur edhe në lidhje me mbylljen e shkollave për tre ditë, për shkak të të ftohtit.

Ministrja Kushi tentoi të justifikohet, ndërsa tha se mbyllja nuk ka ardhur vetëm për shkak të mungesës së ngrohjes në shkolla.

Po ashtu, ajo deklaroi se kjo nuk ndodh vetëm në Shqipëri, por edhe në shtete të tjera, si Greqia apo Turqia.

?Temperaturat nuk ishin të zakonshme. Kjo nuk ndodh vetëm në Shqipëri. Edhe Greqia i mbylli shkollat të hënën. Edhe Turqia ka bërë të njëjtën gjë dhe shumë shtete të tjera. Arsyeja nuk ka qenë vetëm ngrohja në shkolla, por ne duhet të kujdesemi dhe kemi përgjegjësi për nxënësit që në momentin kur dalin nga shtëpia nëse ka ngricave në rrugë duhet të marri masat?, u shpreh ministrja.

Ndërkohë, e pyetur se përse nuk u veprua njësoj edhe për kopshtet dhe çerdhet, Kushi tha: ?Çerdhet dhe kopshtet janë në varësi të bashkive. Por prindërit nuk janë të detyruar ti çojnë fëmijët, ndërsa shkolla ka një program dhe nxënësit kanë detyrim. Shpresojmë që kushtet të mos na ofrojnë surpriza të tjera. Por ishte një periudhë tre ditore që sipas ekspertëve ishte e nevojshme.?





Lajmet e fundit nga