Zgjedhjet e pjesshme/ Fuga: Basha e Berisha do ndajnë elektoratin, avantazh për PS-në

20 Janar 2022, 17:25, Aktualitet CNA

Akademiku i njohur Artan Fuga ka analizuar situatën para zgjedhjeve të pjesshme lokale.

Në një lidhje skype për rubrikën ?Opinion? Fuga pohoi se në këto zgjedhje do të ketë ballafaqim për shumë pikëpyetje që ka sot politika, ndërsa shtoi se do të jetë një test midis rivaleve në PD, ish-kryeministrit Sali Berisha dhe Lulzim Bashës.

Sipas Fugës, këto dy forca në PD do të ndajnë elektoratin, duke i sjellë avantazh PS-së.

?Për mua ka rëndësi në 3 aspekte. Për atë që thoni ju se çfarë rëndësie kanë për banorët, ka rëndësi se që nga bojkoti i zgjedhjeve nga ana e PD-së dhe e zotit Basha dy vite më parë dhe kaosi juridik, institucional që ndodhi në atë kohë, përfundimi ishte ky që në zgjedhje u shkua në të gjitha bashkitë vetëm me kandidatë të shumicës, të PS. Kishte një pjesëmarrje në votime, minimale. Është rasti që ky pushtet lokal i munguar në këto bashki të mëdha të rifillojë të aktivizohet, të jetë i ekuilibruar dhe legjitim. Po prapë kjo ka të bëjë edhe me një paketë tjetër, pasi në këto bashki ishte kjo gjendje, por prej kohësh nuk ka kryetarë bashkish legjitimë, janë ose me mandat të mbaruar ose të emëruar. Për mua ka rëndësi pasi këto zgjedhje do të jenë ballafaqim për partitë politike. Do jetë një test midis dy rivalëve në PD, po e quaj kështu atë fenomen të mbledhur në ?Foltore? dhe atij që quhet Këshill i Përgjithshëm që drejtohet nga zoti Basha. Do të ketë ballafaqim të veçantë dhe siç duket partitë politike janë të interesuara. Edhe LSI është e interesuar.

Meqenëse s?do të ketë zgjedhje për këshillat bashkiake, mendoj se kjo situatë favorizon PS. Jo më kot PS i ka lënë pa zëvendësuar këta krerë të pushtetit lokal. Mendoj se gjykon se këto dy forca që pretendojnë të kenë PD, Lëvizja e Berishës dhe pjesa tjetër që identifikohet nga Basha, do të ndajnë elektoratin. Ato janë në ethet e pasionit. Do e shohim këtë gjë. Mund të jetë një analizë tjetër. Ata do të ndajnë elektoral dhe votat. Kjo gjë favorizon PS. Varet nga konteksti i bashkive, ndryshe në Shkodër, e Lushnjë. Mendoj se këto dy grupime do e ndajnë elektoratin, duke futur kështu dhe LSI. Por ka avantazh PS?, tha Fuga./CNA.al