Kim iu përgjigjet akuzave të opozitës/ ‘Loja me fajin nuk është produktive’

19 Janar 2022, 20:11, Aktualitet CNA

Ambasadorja Yuri Kim në intëervitën në ?Noë? me Erla Mëhillin u pyet dhe për kritikat e opozitës sa i përket Reformës në Drejtësi.

Kim tha se loja me fajin nuk është productive, dhe se duhet të përqëndrohemi tek zgjidhja.

?Mendoj se ata që janë kritikë të zbatimit të reformës në drejtësi ngrenë disa pika me vend dhe mendoj se pjesë e procesit të një reforme kaq të madhe sa kjo është të dëgjosh kritikat. Të mos pretendosh se ke të drejtë gjithë kohën dhe askush tjetër të mos flasë. Këtë e shohim si pjesë e procesit. Kur shohim probleme, nuk përpiqemi të gjejmë fajtorin. Loja me fajin nuk është produktive. Në veend të kësaj, përqendrohemi tek zgjidhjet. Për shembull, kur shohim stokun shumë të madh të çështjeve në sistemin e drejtësisë, Ambasada e SHBA, përmes USAID financon ata që quhen zyrtarë të uljes së stokut. Ky është një grup profesionistësh që ndihmojnë për të administruar çështjet. Nuk marrin vendime për çështjet, prandaj dua ta sqaroj këtë keqkuptim. Janë gjykatësit që vendosin.

Por puna administrative që kërkohet për çdo çështje përpara se ajo të arrijnë në tryezën e gjykatësit, këtë bëjnë zyrtarët e uljes së stokut. Kjo është e para. E dyta, jemi shumë të lumtur të shohim vetë institucionet e drejtësisë që të shohin se çfarë funksionon, çfarë nuk funksionon dhe të përpiqen të gjejnë zgjidhje që i japin Shqiptarëve të zakonshëm rezultatet që duan. Për shembull, tani po shohin hartën e re gjyqësore që synon të thjeshtojë procesin, të konsolidojë disa gjykata. Mendoj se të gjitha këto ide ia vlejnë të eksplorohen. Është diçka që nuk duhet të bëhet çështje partiake. Janë çështje kombëtare. Të gjitha partitë në të gjithë spektrin e mbështetën reformën në drejtësi në 2016 dhe mendoj se është vërtet e rëndësishme për të gjitha partitë në të gjithë spektrin që të vazhdojnë të mbështesin zbatimin e saj të duhur dhe të plotë.?/CNA.al