web counter
LEXO PA REKLAMA!

SHKARKO APP

App Store
Google Play

Yuri Kim: Reforma në Drejtësi nuk ka qenë e përsosur, të bëhet përparim

19 Janar 2022, 20:00, Aktualitet CNA

Ambasadorja e SHBA në vendin tonë, Yuri Kim, në intervistën në ?Now? me Erla Mëhillin, ka folur dhe për Reformën në Drejtësi.

Ajo u pyet nga gazetarja se ku jemi sot pas 7 vitesh dhe nëse i është dhënë luftës kundër korrupsionit më shumë përparësi se sa duhej ndërkohë kur individët dhe bizneset kishin dhe kanë nevojë për një sistem që funksionon, së pari?

?Reforma në drejtësi nuk ka qenë e lehtë, e shpejtë apo e përsosur, por mendoj se nëse shikoni faktet, po bëhet përparim drejt zbatimit të plotë. Mendoj se janë dhimbjet e rritjes. Kanë kaluar pesë vjet nga miratimi i reformës në parlament dhe në këto pesë vjet, vitet e para kanë qenë veçanërisht të vështira. Kështu, për tre vjet për shembull, Gjykata Kushtetuese nuk funksiononte dot. Vitin e kaluar, të gjitha institucionet përkatëse, nga Presidenca, Këshilli i Emërimeve në Drejtësi, Avokati i Popullit, e kushdo tjetër kontribuoi dhe bëri pjesën e vet për të sjellë më shumë gjykatës, më shumë gjykatës në Gjykatën Kushtetuese. Tani funksionon. Mendoj se këtë vit do të shohim më shumë gjykatës të emëruar që të keni trupën e plotë. Ajo që kam vërejtur këtu për reformën në drejtësi është se ka shumë njerëz që do të preferonin shumë që të mos funksiononte. Se është shumë mirë siç është. Se përfitojnë nga kjo. Dakord?

Mendoj se Shqiptarët e zakonshëm duan ta shohin reformën në drejtësi të zbatuar. Mendoj se, për shembull vitin e kaluar, kur panë zyrtarë të lartë që arrestoheshin nga SPAK, menduan: më në fund, reforma në drejtësi po funksionon. Mendoj se meritojnë më shumë dhe mendoj se kanë të drejtë të vazhdojnë trysninë tek të gjitha institucionet e drejtësisë, të vazhdojnë trysninë tek të gjithë politikanët.?, tha ajo./CNA.al





Lajmet e fundit nga