web counter
LEXO PA REKLAMA!

SHKARKO APP

App Store
Google Play

Pandemia e Covid-19/ Britania heq kufizimet, certifikatën e vaksinave dhe maskat

20 Janar 2022, 15:27, Kosova & Bota CNA

Britania e Madhe ka njoftuar heqjen e masave kufizuese të vendosura për luftimin e përhapjes së variantit Omicron pasi piku ka kaluar tashmë.

Kryeministri Boris Johnson njoftoi se duke nisur nga e enjtja e javës tjetër certifikata e detyrueshme do të hiqen.

 ?Duke nisur nga e enjtja e javës tjetër, certifikata e detyrueshme do të hiqen. Sigurisht, organizatat mund të zgjedhin ta përdorin në mënyrë vullnetare Pasaportën e Covidit, por ne do t?i japim fund përdorimit me detyrim të certifikatës së imunitetit në Angli.

Duke nisur nga tani, qeveria nuk do t?u kërkojë qytetarëve të punojnë nga shtëpia dhe duhet të flasin me punëdhënësit për të rregulluar kthimin në zyra. Duke parë me kujdes të dhënat, kabineti doli në konkluzionin se sapo masat kufizuese të skadojnë, qeveria nuk do ta bëjë më me detyrim vendosjen e maskave?, u shpreh Johnson.

Kryeministri Johnson tha ndër të tjera se nëse të dhënat do të jenë të mira, ai mund t?i japë fund detyrimit ligjor që njerëzit të vetë izolohen nëse rezultojnë pozitivë me Covid-19 përpara përfundimit të rregullave në Mars.

?Të hënën, ne reduktuam periudhën e izolimit në 5 ditë me dy teste negative dhe shpejt do të vijë një kohë kur ne do të heqim dhe detyrimin ligjore për vetëizolim, ashtu siç nuk vendosim detyrim ligjor për izolim për njerëzit me grip?./CNA.al





Lajmet e fundit nga