web counter
LEXO PA REKLAMA!

SHKARKO APP

App Store
Google Play

E fundit!

x

Putin: Gazsjellësi “Rrjedha Veriore 2”, gati të eksportojë gaz

29 Dhjetor 2021, 18:07, Kosova & Bota CNA

Presidenti rus, Vladimir Putin, tha të mërkurën se gazsjellësi ?Rrjedha Veriore 2? është i gatshëm që të eksportojë gaz. Ai tha se ky projekt do të ndihmonte në uljen e çmimeve të gazit në Evropë, që kanë arritur në nivele rekord.

Projekti ?Rrjedha Veriore 2? ka përfunduar në muajin shtator, por tani po pret që të marrë miratimin e rregullatorëve në Gjermani dhe në Bashkimin Evropian.

Megjithatë, lëshimi në përdorim i këtij gazsjellësi ka hasur në rezistencën e Shteteve të Bashkuara dhe shteteve të tjera, përfshirë Poloninë dhe Ukrainën, që thonë se do të rrisë varshmërinë e Evropës ndaj gazit rus.

Putin tha se pjesa e dytë e tubacionit është mbushur me gaz.

?Dua të përgëzoj Gazpromin dhe partnerët e tyre në ?Rrjedhën Veriore 2? për përfundimin e punës dhe për krijimin e kësaj rruge të rëndësishme e cila është e gatshme për punë?, tha Putin gjatë një mbledhjeje të Qeverisë ku mori pjesë edhe kreu i Gazpromit, Alexei Miller.

Gazsjellësi ?Rrjedha Veriore 2? është një projekt që ka kushtuar 11 miliardë dollarë. Ai është ndërtuar nga gjiganti i gazit, Gazprom që kontrollohet nga Kremilini. Gjysma e kostos së ndërtimit është paguar nga kompanitë energjetike evropiane.

Miratimi për lëshimin në funksion të këtij gazsjellësi pritet të ndodhë në pjesën e parë të vitit 2022. Ky tubacion do të sjellë gazin përmes Detit Baltik deri në Gjermani./rel





Lajmet e fundit nga