E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mos u përpiqni të fshiheni ju pasunorët që keni helmuar ndërgjegjen e njerëzve...

23 Dhjetor 2021, 12:56, Opinione CNA

Nga Përparim Kabo

Ajo listë pagash që qarkullon on line po i heq maskën sistemit të ngritur tash 30 vite por në veçanti keta 20 vitet e fundit ku gjithçka ka marrë tatëpjeten…Të irrituar se u shkel privatësia juaj….dhe keni kërcyer një bojë njeriu….vazhdoni ndiqeni juridikisht ….

Edhe Ëikileaksi bëri bujë, Julian Assange u burgos…por bota mori vesh shumë të vërteta. Ju pasunorët tanë pse keni frikë nga historia juaj, pagat që ju merrni janë pjesë e saj….Ato nuk mund të fshihen sa kohë që ju keni disa lloj veturash, keni shtëpi në qytet, keni vila në fshat, keni edhe në bregdet.

Ju me djersën e ballit i keni bërë ato sepse merrni paga të larta…apo jo?!

Në fund të vitit edhe po qetë në sektorin privat bëni deklarim të të ardhurave tek Tatimet….

Pra shteti ua di “dhëmbë dhe dhëballë”-por tani me këtë publikim ua mori vesh edhe publiku i gjërë.

Ju nuk doni sepse jeni hequr të varfër, me pasuri që u kanë ardhur nga bashkëshortet e shkathëta, apo nga pleqtë, nga kursimet e vjehrrave, nga ndonjë dhuratë apo hedhje paresh në dasma….!

Por pa le të ndalemi më konkretisht…Nëse një gazetar merr 20 milionë të vjetra në muaj apo 18 milionë, kjo është pagë dhe ai paguan detyrimin fiskal mbi të ardhurat, apo atje përfshihen dhe fitime që lidhen me transaksionin e reklamave. Pra, bëhet fjalë për një e ardhur nga dividenti. Nëse është kjo e dyta, atëhere e ardhura i shkon institucionit psh Televizionit, ku ti punon dhe ai ndan dividentin nëse je ortak atje dhe jo i punësuar si rrogëtar…

Por çfarë ndodh, ti je atje si gazetar drejtor lajmesh apo editorialist. Gjen kompaninë e reklamave dhe paratë që merr i ndan me pronarin, pastaj pjesa që mbetet e merr ti dhe e emërton si pagë.

Nëse bën kështu ti nuk paguan detyrim për fitimin por vetëm detyrim mbi të ardhurat.

Po çfarë keni bërë ju more mediatarë që të paguheni në vit sa presidenti i SHBA-ve? Asgjë, ju vetëm keni kap llogoren për të mbrojtur njerën palë politike, kundër palës tjetër, e gjithë kjo sjellje vetëm me bazë interesi, duke përfituar makutërisht në kurriz të interesit publik.

Ju e keni shpërdoruar publikun dy herë, herën e parë si pasunorë përballë varfërisë ekonomike të popullit, dhe herën e dytë si shërbëtorë të parasë galopante dhe jo interesit publik të shoqërisë. Pra jeni edhe ju pushteti i parasë asgjë më shumë.

Pashë në kete listë se si në nje kompani fasonerie pagat e të gjitha niveleve 300 mijë lekë të vjetër. Një abuzim i hapur për të mos derdhur sigurimet shoqërore. Po si ka mundësi që edhe punëtorja e kësaj fasonerie të marrë këtë rrogë, dhe përgjgjësja dhe ekonomisti apo dhe administrator.

Ti shtet ku i ke sytë, Inspektoriati Shteteror i Punës çfarë ka bërë deri më tani, po tatimet?

Kontrolli i të ardhurave dhe detyrimet lidhen me raportet që krijohen me politikat fiskale dhe me nivelin e jetesës dhe sigurimin e të ardhurave në buxhetin e shtetit.

Ende tek ne flitet spekullativisht për pagen mininale dhe jo për minimumin jetik, i cili nuk matet vetem me pagen por edhe me faktore te tjere te tregut, si çmimet, inflacioni, deflacioni, kreditimi dhe lloji parase në kreditim per shkak te fluktacionit të parase…

Nëse në keta 30 vite populli u varfërua dhe mbi 40 % është për mbijetesë dhe një pjesë u pasurua deri në hedonizëm, kjo gjendje lidhet me krimin ekonomik, me korrupsionin dhe trafiqet, me abuzimet dhe dëmtimin e financave publike por edhe me bashkëpunimin me të gjithë këta faktorë.

E kuptoni tani miq pse bilbilosin çdo mbrëmje nëpër studio televizive këta me paga disa milionëshe….pse hedhin helm dhe llum balte dhe zift, ja përse. Sepse pasi e shiten shpirtin e oponencës publike, ata si operatorë të tregut u majmen dhe sot që dolen se sa paguhen po bërtasin, na është shkelur e drejta.

Po mirë more mediatarë kur vidhet pasuria kombëtare, prona publike apo pronat e pronarëve të ligjshëm, ju përse nuk flisni…?

Nuk flisni sepse nga ato pasuri dhe para trashen llogaritë tuaja qe mbrëme ua mori vesh e gjithë shoqëria.

Nuk ka qënë aksident as gabim. Ajo u bë dhe pas saj do shohim dhe abuzimet me kreditë, me lejet e profesionit, me koncensionet, sepse kjo gjendje do përmbyset.

Ju jeni tashmë me dëshiren e pasurimit nga ana e gabuar e historisë sepse nuk u lidhet dhe nuk i shërbyet demokracisë por u lidhet me tregun dhe me operatorët shpesh informalë të tij.

Nga dje mbrëma askush nuk iu beson më ju. Paraja nuk e blen dot pavdekësinë! Por paratë tuaja ju lanë tashmë edhe pa të vërteten, mbetet heronj të gënjeshtrave.

Tani shkoni në gjykata që të gjeni shkaktarin që iu zhveshi në sytë e opinionit publik./CNA.al