web counter
LEXO PA REKLAMA!

SHKARKO APP

App Store
Google Play

“Rama pjesë e organizmit antishqiptar”/ Noka: Basha është peng i tij

20 Dhjetor 2021, 20:44, Politikë CNA

Deputeti demokrat, Flamur Noka, ka deklaruar se kryeministri Edi Rama është pjesë e një organizmi antishqiptar, pasi Ballkani i Hapur është Jugosllavi e re në kohë moderne.

Sipas Nokës, Ballkani i Hapur është favor për Serbinë dhe është rrënim për Shqipërinë.

Në një dalje televizive, Noka theksoi se në protestë PD tregoi se interesi kombëtar është kthyer në prioritet absolut, ndërsa shton se kryetari i shkarkuar Lulzim Basha është peng i Ramës.

?PD tregoi se interesi kombëtar është kthyer në prioritet absolut. Kjo protestë ka dimension tjetër. Arrestimi i minorenëve tregon fytyrën e regjimit, që në bashkëpunim me bravat, kishin organizuar mikpritjen e Slobodanit të ri.  Aleksandër Vuçiç vjen në Tiranë si kapo i një projekti ogurzi për shqiptarët në Ballkan.

Vuçiç nuk mund të vijë dot në Tiranë, kur as ka kërkuar ndjesë për krimet e Serbisë ndaj shqiptarëve. Rama është pjesë e një organizmi antishqiptar, sepse Ballkani i Hapur është Jugosllavi e re në kohë moderne. Edhe sikur rajoni të ishte në paqe totale, Ballkani i Hapur është favor për Serbinë dhe është rrënim për Shqipërinë. Kur Shqipëria merr pjesë në këtë iniciativë, kjo është vetëm tradhti kombëtare. Basha është peng i Ramës?, deklaroi Noka./A.E-CNA.al





Lajmet e fundit nga