web counter
LEXO PA REKLAMA!

SHKARKO APP

App Store
Google Play

Flamuri i Serbisë valvitet në rrugët e Tiranës/ Rama kapet me komentuesit: Nuk jam tradhtar!

20 Dhjetor 2021, 17:12, Politikë CNA

Kryeministri Edi Rama ka replikuar me ndjekësit në rrjetet sociale, për praninë e flamujve të Serbisë në Bulevardin Dëshmorët e Kombit, në kuadër të vizitës së Presidentit Vucic në Tiranë.

Komentuesi i shkruan Ramës se flamuri i krimeve, masakrave e përdhunimeve, është ngritur sot në Tiranë.

Ndërsa kryeministri Rama i është përgjigjur turpin do ta mbajnë ata që e kanë, jo ai e qeveria tij.

?E vërteta është se ditën që unë vizitova Beogradin, kryeqyteti i Serbisë ishte i mbushur me flamuj shqiptarë dhe huliganët që e dogjën një flamur u arrestuan nga policia; e vërteta është se në Beograd unë flas shqip dhe mbroj interesat e të gjithë shqiptarëve dhe të Shqipërisë natyrisht; e vërteta është se në Beograd unë kam kërkuar shqip njohjen e Kosovës nga Serbia, mu në Pallatin Presidencial të Serbisë dhe atëherë ju më bëtë hero, por nuk isha hero atëherë e nuk jam tradhëtar tani, thjesht isha e jam kryeministri i Shqipërisë; e vërteta është se Ballkani i Hapur është jo vetëm e ardhmja e fëmijëve të krejt rajonit, po edhe interes strategjik i Shqipërisë e i krejt kombit shqiptar; e vërteta është se e vërteta vonon po nuk harron dhe nesër edhe ti do mendosh si unë sot, ndërsa turpin do ta mbajnë ata që e kanë, jo unë e qeveria ime, që kemi mbështetjen e shqiptarëve për të punuar, zhvilluar e për të duruar edhe baltën e lopatave të vjetra të politikës shqiptare? -shkruan Rama./CNA.al





Lajmet e fundit nga