web counter
LEXO PA REKLAMA!

SHKARKO APP

App Store
Google Play

E fundit!

x

Ish deputeti flet me emra/ Kush duhet të drejtojë PD-në

20 Dhjetor 2021, 19:19, Politikë CNA

Ish deputeti Halit Valteri ka komentuar zhvillimet e fundit në Partinë Demokratike.

Në një dalje për mediat, Valteri theksoi se Berishës nuk i interesojnë as incidentet dhe as dhuna sepse të ishte për atë, Basha prej kohësh do ishte nxjerrë jashtë.

Më tej ai ka treguar edhe disa nga emrat që sipas tij mund të jenë kandidatë potencialë për të qenë në krye të PD.

?Ajo parti ka nevojë për reformim të thellë dhe asnjëri prej aktorëve të skenës politike nuk është i duhuri për ta kryesuar. Unë kam shumë respekt për zotin Kulluri kam punuar me të dhe i uroj suksese do isha njëqind herë më i lumtur që të ishte ky kryetari i PD. 

Por dua të them se PD nuk është pronë e askujt, ajo parti u krijua si forca e shpresës dhe tashmë është bërë shpresa e mbushjes së xhepave ose mbajtja peng për interesa personale. As zoti Basha as Berisha nuk duhet ta drejtojnë atë parti, kemi zotin Këlliçi, zotin Shehaj që e tentoi dicka të tillë. Kemi zonjën Tabaku, zonjën Zhupa që e duan atë parti por thjesht nuk duhet të jenë kukulla të dikujt. 

Nuk mendoj se Basha nuk është më kukulla e Berishës. Ato janë në mllef të dy personave që e kanë drejtuar partinë dhe janë marrë vesh për cdo aksion, ndërsa sot janë thyer dhe janë si dy të dashur që janë zënë dhe më pas vjellin vrer ndaj njëri-tjetrit. Të dyja anët gënjejnë për publikimin e listave. 

Sa kohë nuk organizojnë dicka të përbashkët thjeshtë bëjnë një lojë të shpifur ndaj shqiptarëve. Nëse nuk do bënin këto që kanë bërë cfarë do flisnin? Nuk do kishin çfarë të thonin në parlament. Do doja shumë që PD të forcohej. 

Sepse një opozitë e fortë sjell një mazhorancë të kujdeshshme dhe cdo mazhorancë do donte të kishte një opozitë të fortë përpara. Por me këtë që pashë sot këto paralajmërimet e turpshme na kthejnë pas në kohë dhe na bën të bëhemi me zor tifoza të Lulzim Bashës. Berisha është i vetmi politikan që e ka provuar sesi është të kësh kundër SHBA-të. 

Berishës nuk i interesojnë as incidentet dhe as dhuna sepse të ishte për atë Basha prej kohësh do ishte nxjerrë jashtë. Mua më duket si një stuhi apo një fllad ere sepse uraganet kanë të tjera kauza?, shprehet Valteri./CNA.al





Lajmet e fundit nga