E fundit!

16:43 Politikë

Mazhoranca zbulon planin për Reformën Territoriale/ “Shkrihen” disa bashki, ja ndryshimet

Bashkëkryetari i Komisionit për Reformën Administrativo-Te...

Luajmë ndaj Rusisë në Ligën e Kombeve, ja si i thyenim para 18 vitesh në "Loro Boriçi"

18 Dhjetor 2021, 12:51, Sport CNA

Pas shortit të hedhur nga UEFA për edicionin e tretë të Nations League 2022-?23 (Liga e Kombeve), është përcaktuar edhe kalendari i ndeshjeve të Shqipërisë në këtë kompeticion. Siç dihet tashmë, shorti e vendosi Shqipërinë në Grupin B2 së bashku me Izraelin, Rusinë dhe Islandën. Fushata eliminatore do të nisë më 2 qershor 2022 ndaj Rusisë, në sfidën që do të luhet në fushën tonë.

Shqipëria rikthehet të luajë ndaj kombëtares ruse, teksa shqiptarët nuk e harrojnë lehtë atë fitore 18 vite më parë, ekzaktësisht më 29 mars 2003 në stadiumin ?Loro Boriçi? të Shkodrës me fitoren 3-1 për kuqezinjtë, e vlefshme për fushatën kualifikuese të ?EURO 2004?, ku autor të golave ishin, Altin Rraklli në minutën e 30?, Altin Lala në minutën e 79? dhe të Igli Tare në të 83? minutë.

Katër ditë më pas, më 6 qershor 2022 Shqipëria do të luajë në transfertë ndaj Islandës, ndërsa më 10 qershor 2022, Kombëtarja do të presë Izraelin në shtëpi. Sfidat e këtij muaji do të mbyllen me ndeshjen e 13 qershorit me Shqipërinë që do të sfidojë Rusinë në transfertë për ndeshjen e kthimit.

Pas pauzës së verës, Liga e Kombeve rikthehet në shtator me dy ndeshjet e fundit të grupit. Risia në Ligën e Kombeve- Skuadrat e Amerikës së Jugut mund t?i bashkohen turneve të UEFA-s me skuadra si Argjentina e Brazili, të cilat do të konkurrojnë përballë atyre të kontinentit tonë. Nuk është fantazi, por një plan i bujshëm që mund të vihet në praktikë shumë shpejt. Formula e re pritet që ta bëjë aktivitetin më spektakolar.

Plani fillestar sheh që në edicionin e vitit 2024, 6 ekipet e para të CONMEBOL t?i bashkohen menjëherë Ligës A, e sigurisht mes tyre janë edhe Argjentina e Brazili. Ndërsa katër skuadrat e tjera do ta nisin fillimisht në Ligën B, aty ku është edhe Kombëtarja jonë aktualisht. Ashtu si skuadrat europiane, në turnetë pasardhës edhe ekipet e Amerikës së Jugut pritet t?i nënshtrohen rregullave të ngjitjes dhe rënies nga liga përkatëse.