web counter
LEXO PA REKLAMA!

SHKARKO APP

App Store
Google Play

E fundit!

x

Astrit Patozi: Basha ndan lekët me krimin e organizuar

16 Dhjetor 2021, 19:19, Politikë CNA

Ish koordinatori i Bindjes Demokratike, Astrit Patozi ka komentuar zhvillimet e fundit politike brenda PD.

I ftuar në emisionin “Debat” me gazetaren Alba Alishani në A2CNN, Patozi është shprehur se e kishte parashikuar se PD do të përfundonte në këtë situatë.

Sipas tij ndarja tashmë është evidente përderisa dy statutet  do të përfundojnë në gjykatë.

Patozi thekson se antagoznizmi ka arritur në pika groteske saqë të dyja palët po drejtohen me akuza shumë të rënda ndaj njëri-tjetrit.

Ish koordinatori tha se, Lulzim Basha ndan lekët me Taulant Ballën  dhe me  krimin e organizuar.

?E kam parashikuar me saktësi si një orë zvicerane. Nuk është lajm i keq që dy statutet kanë përfunduar në gjykatë se nuk kishte rrugë tjetër.  Tek e fundit kjo nuk është një gjë që do zgjasë pafund.

Të dyja palët duhet të pranojnë të vërtetën. Ato janë dy formacione politike të ndryshme. Ndarja është e pashmangshme dhe nuk është fundi i botës.

Antagonizmi i dy palëve ka arritur në pika groteske, saqë sot po të dëgjosh të dy palët në akuzat ndaj njëri-tjetrit kanë shkuar aq larg saqë unë nuk do të çuditesha sikur njëri prej tyre ti thoshte tjetrit se është përgjegjës edhe për vrasjen e Avni Rustemit. Sepse ne kemi dëgjuar gjithçka. Kemi dëgjuar që Lulzim Basha është përveçse besëprerë, dhe ka qenë i tillë, kemi mësuar se , Lulzim Basha ndan lekët me Taulant Ballën dhe me krimin e organizuar. Kemi mësuar se Lulzim Basha ka shitur detin në marrëveshjen e famshme të rrëzuar nga Gjykata Kushtetuese. ?, tha Patozi./ A.E-CNA.al





Lajmet e fundit nga