web counter
LEXO PA REKLAMA!

SHKARKO APP

App Store
Google Play

“Vota le të përcaktojë”/ Paloka: 18 dhjetori, tregues i rëndësishëm

16 Dhjetor 2021, 16:57, Politikë CNA

Në 18 dhjetor Lulzim Basha do të mbajë Kuvendin që e ka shpallur vetë, ndërsa në të gjitha degët e PD po atë ditë do të mbahet referendumi për shkarkimin e Bashës.

Përmes një postimi në rrjetin social Facebook, Paloka deklaron se 18 dhjetori do jetë një ndarje mes atyre që kërkojnë rithemelimin e PD dhe atyre që duan Ramën në pushtet.

Sipas deputetit, vota do të jetë përcaktuese se si do të jetë e ardhmja politike e PD.

?18 dhjetori ndan se kush demokrat kërkon rikthimin e PD tek fitorja e kush i bëhet krah atyre që kërkojnë Ramën mbret e një PD me 5% të votave mjafton që ata të mbajnë vulën dhe karriget e tyre në opozitë që ti përdorin për bizneset personale.

Nëse ka demokrat të thjeshtë që gjithë sakrificat e tij do ti hedh në këmbët e atyre që nuk i lidh asgjë me PD e që luftojnë me brava dyersh vetëm për karrige ashtu qoftë. Vota le të përcaktojë. Po ata që nuk pranojnë të votohen se e dijnë që i kanë humbur demokratët dhe tani përdorin çdo hile, përdorin dhe zagarët e pushtetit, për të mbajtur karriget dhe vulën e PD, pengje apo jo, nuk bëjnë gjë tjetër, vetëm i shërbejnë Ramës, kundër interesit të mijëra demokratëve!!?, tha Paloka. /E.K-CNA.al





Lajmet e fundit nga