E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

“Tradhëtia nuk falet”/ Ibsen Elezi mesazh Grupit për Rithemelimin e PD, përgjigja që kërkojnë demokratët

13 Dhjetor 2021, 10:52, Politikë CNA

Ish-kreu i degës së PD në Kukës, Ibsen Elezi i ka drejtuar një mesazh 29 anëtarëve të zgjedhur, në Grupin për Rithemelimin e PD.

Në një postim në rrjetet sociale, Ibsen Elezi shkruan se anëtarët e këtij grupi duhet të kuptojnë se zgjedhja në ?G29?, nuk është trampolinë drejt pushtetit.

Ai thekson se personat e zgjedhur në këtë grupim kanë përgjegjësinë që pas referendumit të 18 Dhjetorit, të marrin në dorë drejtimin e PD.

Po ashtu Elezi është mjaft i prerë në mesazhin e tij, ndërsa thekson se ?tradhëtia nuk falet?.

?Të jesh apo të mos jesh SPURDHJAK !

Kuvendi i datës 11 dhjetor, së pari herë plotësoi dukshëm dy parime themelore, i lirë dhe transparent.

Entuziazmi i delegatëve dhe demokratëve prezent, atmosfera festive që ndoshta nuk ishte parë në asnjë Kuvend të mëparshem buronin nga vullneti i lirë.

Një Kuvend i vetëmbledhur patjetër që nuk mund të kufizohet nga procedurat absurde si : për të shkarkuar kryetarin, kryesinë, apo Këshillin Kombëtar, a duhet të marre leje te kreytari, kryesia apo Këshilli Kombëtar.

Kuvendi është organi më i lartë vendimarrës, që ka të drejtën e shkrirjes së partisë me çfarë ka brenda e jo më të organeve që burojnë nga ai.

Edhe nga ana statutore, gjithë kufizimet proceduriale të parashikuara në statut, nuk parashikojnë dhe pengojnë rastin ekstrem kur ai vetëmblidhet me kërkesën e 1/4 të delegatëve.

Ky organ fuqiplotë mori vendimin e shkarkimit të Kryetarit, Kryesisë dhe Këshillit Kombëtar.

Vendosi që këtë vendim ta hedhë dhe në referendum. Për mua kjo ishte e panevojshme, por gjithësesi tashmë është vendosur.

Në datën 18 dhjetor me siguri pjesëmarrja do jetë e lartë dhe referendumi do e miratojë me shumicë dërrmuese votash të antarësisë.

Vendimet e Kuvendit dhe referendumit patjetër që duhen depozituar në Gjykate si një detyrim ligjor.

Pyetja është çdo bëhet diten e hënë në datë 20 dhjetor ?!

G29 e zgjedhur për të marrë drejtimin e PD duhet të kuptojë që ka marrë një përgjegjësi të madhe mbi supe.

Zgjedhje në G29 nuk është trampolinë për pushtetin e ardhshëm.

Kështu që në datë 20 dhjetor, pas depozitimit në gjykatë të akteve ata janë të detyruar të marrin në dorë drejtimin e PD.

Eshtë një detyrim që ata kanë para Kuvendit Kombëtar.

Çdo zgjidhje tjetër do konsiderohej tradhëti para Kuvendit Kombëtar dhe duhet ta dimë që ka një parim “tradhetia nuk falet”.

Pra për G29 shtrohet çështja:

Të jesh apo mos jesh SPURDHJAK.?-shkruan Ibsen Elezi./CNA.al