web counter
LEXO PA REKLAMA!

SHKARKO APP

App Store
Google Play

E fundit!

x

“Kuvendi, ngjarja më e madhe në vend”/ Harxhi: Duhet të nisim punën për ringritjen e partisë

12 Dhjetor 2021, 20:50, Politikë CNA

Ish kandidatja për kryetare të PD Edith Harxhi u shpreh se Kuvendi historik i 11 dhjetorit prodhoi një nga ngjarjet më të mëdha në vendin tonë.

Përmes një postimi në rrjetin social Facebook, ajo shkruan se vendimet e dala nga Kuvendi janë legjitime dhe të dala nga shumica e demokratëve, duke i konsideruar nul vendimet që janë marrë nga kryetari i shkarkuar Lulzim Basha.

Ajo shton më tej se tani duhet të nisë puna përreformatimin dhe ringritjen e partisë, pas disfatave të një pas njëshme që ka pësuar këto vitet e fundit.

?Kuvendi madhështor i Partisë Demokratike i mbajtur në datën 11 dhjetor, prodhoi një ngjarje të madhe për vendin. Më në fund pas shumë vitesh Shqipëria ka një opozitë të fortë, të dukshme, që tmerron pushtetin. Ne treguam se dijmë të mblidhemi, të kuvendojmë, të bëjmë transparencë dhe të marrim vendime të forta.

Pas kësaj, i hapet rruga një beteje të fortë me rregjimin në pushtet, dhe votës së lirë në Partinë Demokratike. Duke kthyer institucionin e votës në Parti ne do të kthejmë votën e lirë dhe të paprekur për të gjithë vendin dhe të bëjmë të mundur edhe votimin nga diaspora shqiptare në botë.

Vendimet e kuvendit janë vendime të një shumice dërrmuese dhe do të mund të hidhen në referendum që në datën 18 dhjetor për tu votuar nga anëtarësia e Partisë.

Çdo mbledhje tjetër apo vendim i marrë pas këtij kuvendi është nul and void.

Tani duhet të nisim punën për reformimin dhe ringritjen e Partisë sa më parë, pas disfatave që kemi kaluar këto vite, duke ruajtur standartin që kemi vënë dhe frymën që kemi krijuar. Për këtë arsye i bëj thirrje të gjithë anëtarëve dhe simpatizantëve të Partisë Demokratike të marrin pjesë aktive në këtë ringritje. Shtëpia e Lirisë ju kthye anëtarëve dhe qytetarëve shqiptarë. #rithemelim #teshpetojmepluralizmin, #tëringrejmëshpresën?, shkruan Harxhi./E.K-CNA.al





Lajmet e fundit nga