E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Aktivisti demokrat “mesazh” ambasadores/”Emisarë të rëndomtë përfitojnë nga Shqipëria”

12 Dhjetor 2021, 17:27, Politikë CNA

Organizatori i Partisë Republikane Amerikane dhe aktivisti i djathtë në Florida të SHBA-ve Tony Bleta, gjatë fjalës së mbajtur në Foltoren e liderit historik, Sali Berisha ka deklaruar se ambasadorët kanë përfituar duke ndërhyrë në punët e brendshme të Shqipërisë, për shkak të moseksperiencës sonë.

Ai theksoi se kur Berisha ishte kryeministër, SHBA kishte një përfaqësim dinjitoz në vendin tonë, kur asokohe erdhi për vizitë edhe Bush, ndërkohë nga ana tjetër, me ardhjen e socialistëve në pushtet, në Shqipëri kanë ardhur vetëm emisarë e përfaqësues të rëndomtë.

?Shumë njerëz në Florida donin të flasin me Berishën, sepse duan që të riformohet PD me vlera konservatore. Doja të flas për Soros, është ndër njerëzit më të rrezikshëm dhe sponsor kryesor i Partisë Demokratike Amerikane dhe sponsorizues i shumë grupeve ekstreme këtu në SHBA.

Soros nisi duke financuar shumë studentë, duke përgatitur ata nëpër shkolla, që filluan të punojnë për të dhe kështu u krijua në Shqipëri gjenerata e parë që u aderua në PS, një nga ata është Erion Veliaj, edhe në PD ka e janë Basha, Grida Duma etj. Berisha ka një energji të jashtëzakonshme dhe e përgëzoj që energjia e tij është për t?u pasur zili, edhe pse ka 30 vjet që merret me politikë. Ne do bashkojmë forcat, do zhdukim Sorosin dhe Ramën.

Të rinjtë që ndodhen pas z. Berisha, dua t?u them mos t?i humbin shpresat. Vendi po zbrazet nga Qeveria Rama. Do të bashkohemi e do ta shporrim Ramën dhe George Soros nga pushteti. Amerika nuk përfaqësohet nga vetëm një forcë politike. Politika e majtë ka bërë që të duket sikur Amerika të përfaqësohet vetëm nga ambasadorja amerikane. Dikur ambasadorët kanë bërë ligjin. Ata kanë përfitur nga moseksperienca jonë dhe duke qenë vend i vogël.

Nëse na quajnë aleatë strategjike, pse një ndihmës i zëdhënës-sekretarit të Shtetit të vijë në Shqipëri e të udhëzojë forcat politike si të veprojnë? Kjo nuk është e drejtë!

Kam kontaktuar me senatorët dhe më kanë thënë që do e shohim këtë çështje edhe në senat. Kam kërkuar shpjegime me letër nga Kongresi, por asnjë përgjigje. Kur Berisha ka qenë kryeministër, erdhi për vizitë Bush. Nga ajo ditë në Shqipëri vijnë vetëm emisarë e përfaqësues të rëndomtë. Përfaqësim dinjitoz kur erdhi Bush në Shqipëri. Për mua Ballkani i Hapur është tradhti?, tha Bleta.