web counter
LEXO PA REKLAMA!

SHKARKO APP

App Store
Google Play

“Basha u shkarkua nga delegatët”/ Anëtari i Kuvendit Kombëtar: Mbledhja e sotme, ilegjitime

12 Dhjetor 2021, 20:00, Politikë CNA

Anëtari i Kuvendit Kombëtar të PD-së Çlirim Gjata, komentoi zhvillimet e fundit në Partinë Demokratike.

Gjata në një intervistë televizive theksoi se Basha është shkarkuar nga Kuvendi Kombëtar, duke shtuar se mbledhja e këtij të fundit është ilegjitime.

?Lulzim Basha është shkarkuar nga Kuvendi dhe është thirrur mbledhje sot nga një kryetar që nuk ekziston. Mbledhja sot në PD është si me u mbledh për kafe. Mbledhja e sotme e Bashës është ilegjitime. Kuvendi Kombëtar është i vetmi institucion legjitim. Basha po tenton që të hakmarret ndaj Berishës, çdo vendim që merr Këshilli Kombëtar, ndër të tjera nuk thirret dot nga një kryetar që nuk është më i tillë. Në referendum, është një fletë ku thuhet doni që të shkarkoni Bashën si kryetar të partisë dhe përgjigja duhet të jetë ?po? ose ?jo?. Kuvendi sot vendosi për statut të ri.

Basha ka frikë nga demokratët e vet dhe thërret policët e Edi Ramës. Nëse thërret në ndihmë policët e Ramës, e kë thirr këta demokratë që janë përplasur e arrestuar e burgosur nga ajo polici. Derisa ndodh kjo, le të ikë më mirë Basha. Këta që bën Basha janë shkelje e statutit. Mbi 60 deri 70 përqind të delegatëve të PD-së Basha i ka kundër. Po shkohet në referendum, sepse duhet pyetur anëtari i thjeshtë i Partisë Demokratike. Nuk ka dy PD, por vetëm një. Foltorja dje është ndjekur nga më shumë se gjysmë milionë njerëz vetëm në Syri TV e Foltorja është PD sepse jemi shumica?, deklaroi Gjata./E.K-CNA.al





Lajmet e fundit nga