web counter
LEXO PA REKLAMA!

SHKARKO APP

App Store
Google Play

Faza e 1/8-ve në Champions League/ Shorti të hënën në mesditë. Ja rregullorja për turin e radhës

9 Dhjetor 2021, 08:05, Sport CNA

Vetëm bora e rënë mbrëmë në Bergamo ka bërë që grupi i 16 skuadrave që avancojnë në 1/ 8-at e Ligës së Kampioneve të mos plotësohej që dje, ndonëse ditën e sotme, një mes Atalantës edhe Vijarealit do të mund të festojë avancimin e mëtejshëm, edhe pse skuadra e Berat Gjimshitit me shokë është e detyruar të fitojë.

Por, në pritje për të mësuar se si do të rrjedhë situata finale në Grupin F, shorti i 1/8-ave të Ligës së Kampioneve do të hidhet vetëm ditën e hënë, në Nion, në orën 12:00. Siç e do rregullorja, skuadrat e kualifikuara të parat do të jenë në të njëjtën vazo dhe do të sfidojnë një mes ekipeve të vendeve të dyta por me dy përjashtime:

Pikë së pari nuk lejon që të çiftohen të njëjtat klube që janë ndeshur mes tyre në fazën e grupeve (për shembull Inter-Reali apo Juve-Çelsi) dhe së dyti, nuk lejohen sërish përballje të skuadrave nga i njëjti shtet/kampionat (për shembull JuventusInter apo Real Madrid-Atletiko). Dhe duke parë se si është mbyllur kjo fazë e parë e turneut më të rëndësishëm për klube, sigurisht që të hënën nuk do të mund të mungojnë pa dyshim finale të parakohshme, siç mund të jenë për shembull:

Bajern-PSG apo Bajern-Çelsi apo ndoshta edhe Real-PSG, Real-Çelsi, Juventus-PSG, Liverpul-Inter, etj. Më t?u zbardhur çiftet e 1/8-ave mesditën e së hënës, kujtojmë se faza e radhës e Champions-it ndeshjet e vajtjes do të luhen nga 15-23 shkurt, ndërsa takimet e kthimit më 8-16 mars.

Ekipet e kualifikuara:

Man City
PSG
Liverpool
Atletico
Ajax
Sporting
Real Madrid
Inter Milan
Bayern Munich
Man Utd
Chelsea
Juventus
Benfica
Lille
RB Salzburg
Atalanta ose Villarreal





Lajmet e fundit nga