web counter
LEXO PA REKLAMA!

SHKARKO APP

App Store
Google Play

Champions League/ Zhgënjen Chelsea, kreu i grupit H është Juventusi

8 Dhjetor 2021, 19:53, Sport CNA

Është Juventusi kreu i grupit H, pasi mposhti minimalisht Malmon me rezultatin 1-0. Ekipi i Allegrit përfitoi kështu nga barazimi i Chelsea në Rusi kundër Zenit dhe ngjitet në vendin e parë të grupit.

Takimin e vendosi Moise Kean që shënoi një gol me kokë në minutën e 18. Italiani shfrytëzoi mjaft mirë një krosim me të jashtmen të Federico Bernandeschit dhe shumë pranë portës e çoi rezultatin në 1-0, duke i dhënë kështu edhe tre pikët që i nevojiteshin bardhezinjve dhe duke përfituar nga barazimi i Chelseas me Zenit.

Në takimin tjetër, Chelsea e gjeti golin e parë që në minutat e para të takimit me Timo Werner, por surpriza e pjesës së parë ishte Zeniti që përmbysi gjithçka në tre minuta. Fillimisht Claudinho dhe më pas Azmoun i dhanë avantazhin provizor Zenitit duke krijuar kështu edhe idenë e një zhgënjimi nga Chelsea.

Megjithatë, në pjesën e dytë, londinezët u futën me frymën e duhur dhe përmbysën gjithçka. Ishte Romelu Lukaku që baraspeshoi gjithçka, ndërkohë që në fundin e takimit ishte përsëri Timo Werner që krijoi iluzionin se Chelsea do ta mbyllte në vendin e parë. Vetëm dy minuta nga përfundimi i takimit, Ozdoev shënoi një super gol duke vulosur rezultatin final në 3-3.

Kështu Juventusi ngjitet në kuotën e 15 pikëve, dy më shumë se Chelsea që zhgënjeu totalisht në ndeshjen finale të fazës së grupeve.

CHAMPIONS LEAGUE ? NDESHJET E 6-TA

JUVENTUS-MALMO 1-0

Shënues: Kean 18?

ZENIT-CHELSEA 3-3

Shënues: Claudinho 38?, Azmoun 41?, Ozdoev 90+4 / Werner 2? 85?, Lukaku 62?





Lajmet e fundit nga