web counter
LEXO PA REKLAMA!

SHKARKO APP

App Store
Google Play

VIDEO/ Latifi bën heroin, Vllaznia triumfon ndaj Partizanit

8 Dhjetor 2021, 17:45, Sport CNA

Vllaznia mposht 1-0 Partizanin, duke arritur fitoren e tretë radhazi në ?Loro Boriçi? në Abissnet Superiore. Goli i Liridon Latifit pas gjysmë orë lojë, i dhuroi 3 pikë fantastike ekipit shkodran, që renditet në vend të tretë.

Goli i dytë radhazi për sulmuesin dardan, i cili është ngjitur në shifrën e katër rrjetave sezonale në kampionat. Thyhet Partizani pas pesë javësh pa humbje.

Vendasit luajtën me dhjetë lojtarë prej minutës së 66-të, moment kur Ardit Krymi u ndëshkua me të kuq. Vllaznia e filloi ndeshjen në sulm dhe Djordevic e Da Silva vendosën në provë Teqjen, i cili do të mposhtej në minutën e 28-të. Jonuzi tentoi më pas me një goditje nga larg, teksa Erdenis Gurishta u ndal nga shtylla në limitet e pjesës së parë.

Kuqeblutë më mirë edhe në pjesën e dytë, por në minutën e 66-të mbeten me një lojtar më pak, me Ardit Krymin që kreu një faull si lojtar i fundit. Partizani mori zemër, por Stenio Junior dhe Esat Mala u frenuan nga Zogovic.
Vendasit u kthyen në mbrojtje dhe ia dolën të ruajnë avantazhin e çmuar. Në fund 1-0 për skuadrën e Thomas Brdaric dhe festë në stadium, ndërsa ?Demat? rikthehen pa pikë në kryeqytet.

Vllaznia-Partizani 1-0

Latifi 28′

KOMENTI:

28? Gooool! Vllaznia kalon në avantazh, shkodranët ekzekutojnë një skemë nga goditja e dënimit me Gurishtën që ndalet nga Teqja, mirëpo portieri nuk mund të bëjë asgjë para goditjes së Latifit

1′ Starton ndeshja në Loro Boriçi, Vllaznia pret Partizanin

Formacionet zyrtare:

Vllaznia (4-2-3-1): Zogovic, Gurishta, Adili, Diagne, Hakaj, Krymi, Jonuzi, Hoxha, Da Silva, Latifi, Djurdjevic
Trajner: Thomas Brdaric

Partizani (4-3-3): Teqja, Gligorov, Belica, Sembene, Musta, Rrapaj, Kaçe, H.Marku, Mala, Stenio Junior, Cara
Trajner: Ilir Daja





Lajmet e fundit nga