web counter
LEXO PA REKLAMA!

SHKARKO APP

App Store
Google Play

VIDEO/ Skënderbeu fiton dhe parakalon Egnatian, Ramadani debuton me humbje

8 Dhjetor 2021, 17:57, Sport CNA

Ka përfunduar me rezultatin 2-0 ndeshja në Korçë mes Skënderbeut dhe Egnatias, teksa vendimtarë kanë qenë golat e shënuar nga ana e Vitijës dhe Berishës në pjesën e dytë të ndeshjes. Falë këtij triumfi, vendasit rikthehen te suksesi pas tre takimesh pa fituar, ndërsa parakalojnë në renditje Egnatian duke u ngjitur në vendin e tetë të klasifikimit, ndërsa vlen të theksohet se të dyja ekipet tashmë janë në kuotën e 11 pikëve.

Sa i përket kronikës së sfidës, 45-minutëshi i parë ishte me shumë raste për të dyja skuadrat, mirëpo nuk ia dolën të konkretizonin, teksa Imeri për rrogozhinasit u ndal nga traversa. Nga ana tjetër, Skënderbeu u kundërpërgjigj me një mundësi nga Mensah dhe Meksi të cilët nuk ditën të përfitonin. Megjithatë, në fraksionin e dytë, në minutën e 47 sulmuesi Mensah përfitoi dhe realizoi me kokë.

Rrogozhinasit provuan në vazhdim, megjithatë në fund të sfidës, Skënderbeu realizoi edhe golin e dytë pas një kundërsulmi të finalizuar nga e Berishës. Kujtojmë, se në këtë ndeshje debutoi në stol për Egnatian, Zekirija Ramdani, por që nuk mundi ta shmangtre disfatën.

FT SKËNDERBEU-EGNATIA 2-0

88? Goooool! Skënderbeu gjen edhe golin e sigurisë, Elvi Berisha finalizon mjeshtërisht një kundërsulm të korçarëve

60? Largohet Hamiti. Gjyqtari kryesor nuk ia del të vazhdojë sfidën. Arbitri i katërt Ardian Beqiraj zë vendin e tij

47? Gooool! Skënderbeu gjen avantazhin, pas një rrëmuje në zonë ku provoi dhe Vitija, Mensah shtyn topin në portën e zbrazët

22? Rrogozhinasit sërish kërcënues në zonë e korçarëve, Imeri godet me kokë, por sfera ndalet vetëm në transfertë





Lajmet e fundit nga