web counter
LEXO PA REKLAMA!

SHKARKO APP

App Store
Google Play

E fundit!

x

“11 dhjetori, dita e rithemelimit të PD”/ Ish deputeti: Sytë e publikut janë kthyer nga Berisha

8 Dhjetor 2021, 17:53, Politikë CNA

?Në 11 dhjetor do të jetë rithemelimi i PD?. Kështu është shprehur ish deputeti Lefter Maliqi, duke komentuar situatën që është krijuar në PD.

Në një reagim për media, Maliqi deklaroi se sytë e qytetarëve janë  kthyer nga ish kryeministri Sali Berisha, ndërsa theksoi se kjo lëvizje është parë si një shpresë për të rrëzuar pushtetin e Edi Ramës.

?Mezi po pritet data 11 dhjetor, rithemelimi i PD ose hapja e PD. Nuk mund të mbulohet dielli me shosh, duket çdo gjë në këtë muaj se gjithë ekranet televizive, mediat, sytë e qytetarëve janë drejtuar drejt Sali Berishës, iniciativës së tij. Pavarësisht moshës, energjitë e tij ia kalojnë çdo lideri apo kryetari partie tjetër.

Kjo nismë është parë si një shpresë për të mundur Edi Ramën dhe gjithë klikën e tij oligarke mafioze, apo kapjes së institucioneve që ka bërë?, tha Maliqi.

Ish deputeti, foli edhe për 8 dhjetorin i vitit 1990, duke u shprehur se ishte dita e rithemelimit të PD.

Sipas tij, prej gati 9 vitesh, me ardhjen e rilindjes në pushtet, në vendin tonë janë bërë hapa pas.

?8 dhjetori 1990 ishte dita e rithemelimit të PD. Studentët i dhanë forcë gjithë shqiptarëve  për të rrëzuar diktaturën. U bë 9 vjet afërsisht që me ardhjen e rilindjes në pushtet kemi hapa mbrapa, bllokim të negociatave,  vendin e kemi të mbuluar në të gjithë sipërfaqen e Shqipërisë me drogë, me krim të organizuar, masakër, kapje të institucioneve?, tha Maliqi./E.K-CNA.al 





Lajmet e fundit nga