web counter
LEXO PA REKLAMA!

SHKARKO APP

App Store
Google Play

Dështimi i Lulzim Bashës dhe fyerja për Lëvizjen Studentore

8 Dhjetor 2021, 12:49, Politikë CNA

Kryetari në detyrë i Partisë Demokratike, Lulzim Basha vijon të deklarojë se ka mbështetjen e shumicës së anëtarësisë së PD.

Dje në një intervistë mediatike, Basha tha se ka mbështetjen e 85% të anëtarësisë.

Por, sesa mbështetet Lulzim Basha, u duk qartë sot, në 8 Dhjetor, Ditën e Rinisë.

Më rastin e Ditës së Rinisë, e cila përkujton Lëvizjen Studentore që përmbysi regjimin e diktaturës, Basha ka organizuar një aktivitet tek ArTurbina, teatri që ndërtoi ?aleati? i tij në qeveri, për të zëvendësuar Teatrin Kombëtar.

Gjë që në fakt është fyerje për demokratët.

Por, përtej kësaj fyerje për demokratët është edhe fakti se Basha kujton Lëvizjen Studentore, pothuajse i vetëm. I vetmuar dhe më i braktisur se kurrë Basha tenton tiu hedhë hi syve demokratëve.

Basha tha sje se ka 85% të anëtarësisë, por ku ishin sot mbështetësit e Bashës?

Më kë do ta bëjë Kuvendin që pretendon se do mbajë në 18 Dhjetor, Lulzim Basha?

Me Preç Zogajn, Fitim Zekthin, Grida Dumën, Ervin Salianjin dhe ndonjë tjetër servil që i vjen rrotull?

Ndërsa Basha u mblodh në një sallë të mbyllur, ish-kryeministri Sali Berisha përkujtoi Lëvizjen Studentore, aty ku nisi. Në Sheshin Demokracia në Qytetin Studenti, ku u prit me entuziazëm dhe brohorima të shumta.

Të pranishëm në këtë ceremoni ishin bashkëkohës të Azem Hajdarit, ish-studentë të dhjetorit të vitit 1990, por edhe studentë të tanishëm të dhjetorit 2021.

Po ashtu edhe familja e Azem Hajdarit, Fatmira Hajdari dhe Azemi i vogël, ishin sot krah Berishës për të përkujtuar Lëvizjen që solli pluralizmin politik në Shqipëri.

Ndërsa aktiviteti i Bashës, i mbyllur në një sallë, tregoi qartë dështimin e kreut në detyrë të PD./CNA.al

Dhjetoristët braktisin Bashën/ Turpërohet kreu i PD





Lajmet e fundit nga